Byko-konur í bankaráðum

Steinunn Jónsdóttir gefur kost á sér í bankaráð Íslandsbanka en nýtt bankaráð verður kjörið á hluthafafundi í næstu viku. Steinunn á dágóðan hlut í bankanum en hún er dóttir Jóns Helga Guðmundssonar í Byko. Nái hún kjöri verður hún önnur konan sem sest í bankaráð Íslandsbanka í fjórtán ára sögu hans, áður sat þar Guðrún Lárusdóttir, kennd við Stálskip. Ein kona er í bankaráði stórbanka á Íslandi, Brynja Halldórsdóttir, fjármálastjóri Byko, situr í stjórn KB banka. Bykoveldið teygir sig því víða.