Fjölmiðlalögin felld úr gildi

Alþingi felldi fjölmiðlalögin úr gildi rétt fyrir hádegi með 32 atkvæðum að lokinni þriðju umræðu málsins. Breytingar allsherjarnefndar á fjölmiðlafrumvarpinu voru fyrst samþykktar við aðra umræðu á Alþingi í gærkvöld með 31 atkvæði stjórnarliða. 28 sátu hjá og fjórir greiddu ekki atkvæði.

Gíslar grátbiðja um miskunn

Sjö gíslar eru enn í haldi mannræningja í Írak. Myndband með gíslunum sýnir þá grátbiðja mannræningjana um að sýna sér miskunn.

Barroso kosinn forseti ESB

Fyrrverandi forsætisráðherra Portúgal, hinn 48 ára gamli Jose Manuel Duraou Barroso, verður næsti forseti framkvæmdarstjórnar Evrópusambandsins. Barroso vann meirihluta atkvæða á þingi Evrópusambandsins í Strassborg í morgun. Barroso tekur við af Romano Prodí frá Ítalíu.

400 látnir í flóðum á Indlandi

Hátt í 400 manns hafa látið lífið í miklum flóðum í héraðinu Hihar á Indlandi síðustu daga. Óttast er að kólerufaraldur kunni að brjótast út í kjölfarið. Herinn er í viðbragðsstöðu í borginni Gauhati í Assam-héraði en þar hafa ár flætt yfir bakka sína. Óttast er að flytja þurfi yfir tvær milljónir borgarbúa á brott.

Upplýsingarnar ekki endanlegar

Ríkisendurskoðandi og fulltrúar fjármálaráðuneytisins voru boðaðir á fund fjárlaganefndar Alþingis í morgun til að fara yfir skýrslu Ríkisendurskoðunar um framkvæmd fjárlaga fyrir árið 2003. Formaður fjárlaganefndar segir upplýsingar í skýrslunni ekki vera endanlegar.

Meint sniðganga kosningaloforðs

Stjórn Bandalags háskólamanna mótmælir harðlega að menntamálaráðherra hafi sniðgengið kosningaloforð um að endurskoða lög um Lánasjóð íslenskra námsmanna, í samstarfi við hagsmunasamtök endurgreiðenda.

Fischer verði gefnar upp sakir

Skáksamband Íslands beinir þeim eindregnu tilmælum til forseta Bandaríkjanna að fyrrverandi heimsmeistara í skák, Bobby Fischer, verði gefnar upp sakir og ákærur á hendur honum, fyrir að hafa brotið viðskiptabann Bandaríkjanna gegn Júgóslavíu árið 1992, verði felldar niður.

Skýrsla um 11. sept. gerð opinber

Bandarískum stjórnvöldum og leyniþjónustum mistókst árum saman að gera sér grein fyrir umfangi þeirrar ógnar sem stafaði af íslömskum öfgamönnum, og þau þjáðust af sameiginlegum skorti á ímyndunarafli. Þetta er meðal þess sem fram kemur í nýrri skýrslu sérstakrar rannsóknarnefndar vestan hafs sem rannsakar hryðjuverkaárásirnar 11. september árið 2001.

Skipað í héraðsdómarastöður

Björn Bjarnason dómsmálaráðherra hefur skipað Sigrúnu Guðmundsdóttur, hæstaréttarlögmann, í embætti héraðsdómara við Héraðsdóm Reykjavíkur, og Ásgeir Magnússon, hæstaréttarlögmann, í embætti héraðsdómara sem fyrst um sinn mun ekki eiga fast sæti við tiltekinn dómstól. Skipað er í stöðurnar frá 1. september næstkomandi.

Hljóðbylgjur orsaka hvalreka

Hljóðbylgjutækjum, sem m.a. eru notuð af herjum til þess að greina óvinakafbáta í undirdjúpunum, er kennt um þá miklu aukningu sem orðið hefur á því að hvalir stranda og festast á landi. Þetta kom fram á fundi Alþjóðahvalveiðiráðsins sem lýkur á Sorrento á Ítalíu í dag.

Bílvelta og árekstur

Fólksbíll valt í Kömbunum við Hveragerði rétt fyrir hádegi í dag. Einn maður var í bílnum og var hann fluttur á heilsugæsluna í Hveragerði til aðhlynningar. Maðurinn slapp án teljandi meiðsla. 

Dregur úr byggingu einbýlishúsa

Verulega hefur dregið úr byggingu einbýlishúsa á Íslandi á síðari áratugum miðað við það sem áður hefur þekkst. Þess í stað hefur mesti vöxturinn verið í háhýsum með fleiri en sex íbúðir og er nú svo komið að ríflega en helmingur af nýju íbúðahúsnæði er í stóru fjölbýli. 

Bann gegn ruslpósti virkar

Bann á ruslpósti í Ástralíu virðist bera árangur en yfirvöld bönnuðu ruslpóst fyrir þremur mánuðum síðan. Mörg netfyrirtæki hafa látið af óumbeðnum ruslpóstsendingum, sérstaklega hefur póstur sem inniheldur hvers kyns klám snarminnkað

Herinn vill aukafjárveitingu

Bandaríska varnarmálaráðuneytið þarf aukafjárveitingar í september að andvirði um 873 milljarða króna til að standa straum af kostnaði vegna veru hersins í Írak og Afganistan.Það er þrisvar sinnum meira en yfirmenn hersins gerðu ráð fyrir í apríl síðastliðnum.

Serbar leita stríðsglæpamanns

Yfirvöld í Serbíu-Svartfjallalandi hafa gefið út handtökuskipun á hendur meints stríðsglæpamanns sem flúði fyrir viku síðan.

Solana gagnrýnir Ísrael

Javier Solana, utanríkismálastjóri Evrópusambandsins, sagði í heimsókn sinni til Ísrael í gær að aðskilnaðarmúrinn á Vesturbakkanum bryti í bága við alþjóðalög. Solana fullyrti þetta á blaðamannafundi sem hann og Silvan Shalom, utanríkisráðherra Ísraels, sátu báðir

Súdanir gagnrýna Vesturlönd

Utanríkisráðherra Súdan segir afskipti Bandaríkjanna og Bretlands af ógnaröldinni í Darfur-héraði vera óeðlileg og minna um margt á framkomu þeirra gagnvart Írak áður en ráðist var inn í landið.

Endur af tjörninni ætar

Ekkert bendir til þess að endur sem veiddar eru í Laugardal eða við Reykjavíkurtjörn séu óhæfar til neyslu samkvæmt upplýsingum sem fengust frá Umhverfis- og heilbrigðisstofnun Reykjavíkur.

Hraðatakmörkunum breytt á Bíldudal

Byggingarnefnd Vesturbyggðar leggur til að takmörkun á hámarkshraða við Bíldudal verði færð og hámarkshraðamerkingar málaðar á yfirborð vegar. Í síðustu viku lést stúlka þegar ekið var á hana.

Milljón Rúmena meinað að ferðast

Tæplega milljón Rúmenum hefur verið meinað að yfirgefa landið það sem af er árinu. Flesta skortir fé til ferðalaga vegna reglna ESB.

Hundrað tilfelli pyntinga

Bandarískir hermenn hafa gerst sekir um að misþyrma föngum í Írak og Afganistan í að minnsta kosti 94 tilfellum síðan haustið 2001. Þetta eru niðurstöður rannsóknar bandaríska hersins sem var gerð eftir að upp komst um stórfelldar misþyrmingar á föngum í Írak í vor.

Stórt skref tekið í hvalveiðimálum

Stefán Ásmundsson, formaður íslensku sendinefndarinnar á ársfundi Alþjóðahvalveiðiráðsins í Sorrento á Ítalíu, segir að stórt skref hafi verið stigið í rétta átt á fundinum með þeirri ákvörðun að stefnt yrði að því að ljúka við endurskoðun á veiðistjórnunaráætlun fyrir ársfundinn sem haldinn verður í Suður-Kóreu á næsta ári.

Löggæslukostnaður komi frá ríkinu

Yfirlögregluþjónn segir að gera eigi ráð fyrir löggæslukostnaði vegna árvissra útihátíða í fjárheimildum lögreglunnar. Dómsmálaráðuneyti segir vert að skoða slíkar tillögur en lögum verði fylgja fram að því. </font /></b />

Myrkrahöfðinginn til Brussel

Maðurinn sem eitt sinn var nefndur myrkrahöfðinginn vegna áhrifa sinna í breskum stjórnmálum kann að vera á leiðinni til Brussel til starfa hjá Evrópusambandinu.

Stoppuðu flugræningja og slepptu

Fjórir flugræningjar voru stöðvaðir á flugvellinum skömmu áður en þeir flugu farþegavél á bandaríska varnarmálaráðuneytið. Þeim var hleypt í gegn og þannig fór síðasti möguleikinn til að stöðva þá út um þúfur. Stjórnvöld vanmátu hættuna sem stafaði af al-Kaída og gátu því ekki varist henni.

Deila um húsbréfakerfið

Hörð bréfaskipti hafa átt sér stað á milli Íbúðalánasjóðs og Samtaka banka og verðbréfafyrirtækja (SBV) vegna breytinga á húsnæðislánakerfinu sem tók gildi 1. júlí. Aðilarnir saka hver annan um ófagleg vinnubrögð.

Ekki lengur boðið

Eftir að Hollendingar tóku við forystu í Evrópusambandinu hefur EFTA löndunum ekki verið boðið á samráðsfundi um samkeppnishæfni. Valgerður Sverrisdóttir, iðnaðar- og viðskiptaráðherra, ræddi þetta við Denis MacShane, Evrópumálaráðherra Bretlands, á fundi þeirra á miðvikudag.

Guðrún lekur enn olíu

Yfirvöld og umhverfissamtök í Noregi krefjast svara við því hvers vegna enn sé vart við olíuleka úr togaranum Guðrúnu Gísladóttur sem sökk við strönd Noregs í júní 2002.

Gagnrýni Verslunarráðs ómakleg

Forstjóri Landmælinga Íslands vísar því alfarið á bug að stofnunin hafi nýtt sér hugmyndir einkafyrirtækja og gert að sínum eins og Verslunarráð Íslands ýjar að á heimasíðu ráðsins.

Enginn vöxtur hérlendis

Helsti vöxtur íslenskrar kaupskipaútgerðar er á erlendum vettvangi sé henni skapaður grundvöllur til þess af íslenskum stjórnvöldum enda sé ljóst að kaupskipastóllinn mun ekki vaxa meira hér á landi en þegar er orðið. Þetta kom fram á fundi forsvarsmanna félags skipstjórnarmanna með forstjóra Eimskipa og sagt er frá á heimasíðu félagsins.

Öllum reglum fylgt til hlítar

"Þessum athugasemdum lögmanna sækjenda á hendur einkavæðingarnefnd er alfarið vísað á bug," segir Stefán Jón Friðriksson hjá fjármálaráðuneytinu vegna gagnrýni þeirrar er fram hefur komið á störf nefndarinnar í seinna útboði ríkisins á hlut sínum í Íslenskum aðalverktökum fyrir rúmu ári síðan.

Bylgjan á toppnum

Fleiri hlustuðu á útvarpsstöðina Bylgjuna heldur en Rás 2 í nýjustu fjölmiðlakönnun Gallup sem birt var í gær. Er þetta í fyrsta sinn síðan Gallup hóf kannanir af þessu tagi í apríl 1999 sem Rás 2 er ekki á toppnum og er munurinn 1.6 prósent. Könnunin var gerð vikuna 18. - 24. júní og voru tæp 1300 manns í úrtakinu.

Erfið samningsstaða sjómanna

Samningsstaða sjómanna er erfið þar sem stjórnvöld standa við bakið á útvegsmönnum. Það hafi sýnt sig við lagasetningar á löglegri verkfallsboðun sjómanna árið 2001, 1998 og 1994. Þetta segir Sævar Gunnarsson, formaður Sjómannasambands Íslands.

Líðan Davíðs góð

Líðan Davíðs Oddssonar forsætisráðherra, eftir aðgerð sem hann gekkst undir í gær, er sögð góð. Hann hefur verið fluttur á legudeild Landspítalans.

Kveðst sleppa stjórn öryggissveita

Jasser Arafat, Palestínuforseti, er sagður hafa lofað því að veita ríkisstjórn Ahmed Qureia forsætisráðherra aukin völd, þess á meðal full yfirráð yfir öryggissveitum Palestínumanna. Þetta sagði palestínski þingmaðurinn Imad Falloyuji eftir að Arafat ræddi við þingmenn. Fallouji sagði Qureia hafa lofað að skoða tilboð Arafats.

Fjórtán látnir í umferðinni

Þrír hafa látið lífið í umferðinni síðan 11. júlí. Fjórtán hafa alls látið lífið í umferðarslysum á árinu. Flest slysanna eiga sér stað nærri Reykjavík. Tveir hafa að meðaltali látið lífið í hverjum mánuði síðustu þrjátíu árin.

Verkfall háseta hafrannsóknarskipa

Jónas Garðarsson, formaður Sjómannafélags Reykjavíkur, segir félagið vilja að kjarasamningurinn falli úr gildi eða verði uppsegjanlegur nemi stjórnvöld sjómannaafsláttinn úr gildi.

Ný skip á dagskrá

Björn Bjarnason dómsmálaráðherra segir að það sé vissulega á dagskrá að útvega Landhelgisgæslunni ný skip til eftirlits á sjó. Það sé eitt af stefnumálum ríkisstjórnarinnar. 

Hálf milljón í styrk

Íþróttabandalag Reykjavíkur fær hálfa milljón í styrk frá Reykjavíkurborg vegna Reykjavíkurmaraþonsins sem haldið verður þann 21. ágúst. Þetta var ákveðið á fundi borgarráðs á þriðjudag.

Flugræningjarnir stoppaðir 11.9.

Myndir úr eftirlitsmyndavélum á Dulles-flugvelli í Washington sýna að flugræningjarnir sem grönduðu flugvélunum þann 11. september 2001 voru teknir til hliðar við málmleitarhliðin en var síðan leyft að halda áfram, án frekari athugunar.

Vonast eftir forsætisráðherrastól

Halldór Ásgrímsson frestaði þingfundum í dag í fjarveru Davíðs Oddssonar forsætisráðherra. Halldór segir að hann voni að hann verði forsætisráðherra í haust eins og samið hafi verið um. 

Tsjernóbil verður ferðamannastaður

Úkraínumenn reyna nú að lappa upp á ferðamannaiðnaðinn í landinu og hafa brugðið á það ráð að breyta Tsjernóbil-kjarnorkuverinu í ferðamannastað. Átján ár eru liðin frá því að kjarnorkuslys varð í Tsjernóbil en verinu var ekki lokað fyrr en árið 2000. Geislavirkni í verinu er 200 sinnum hærri en leyfilegt er en ferðamenn geta gist í verinu í nokkra daga án þess að veikjast.

Fjölmiðlalögin felld úr gildi

Fjölmiðlalögin voru felld úr gildi í dag. Stjórnarandstaðan sat hjá við afgreiðslu málsins og varaformaður Frjálslynda flokksins segir að stjórnarþingmenn hafi viljandi brotið stjórnarskrána.

Hægt að semja um allt innan ESB

Evrópumálaráðherra Breta, Denis MacShane, ræddi við Halldór Ásgrímsson utanríkisráðherra í morgun um Evrópusambandið og afstöðu Íslands gagnvart aðild. MacShane telur að hægt sé að semja um flest allt í tengslum við aðild. 

Kárahnjúkabók Ómars komin út

Á meðan sumir segja Kárahnjúkavirkjun stærsta og jákvæðasta hagsmunamál Íslendinga segja aðrir hana stærsta umhverfishneyksli Evrópu. Þessi ólíku sjónarmið eru kynnt í nýrri bók Ómars Ragnarssonar, <em>Kárahnjúkar - með og á móti</em>, en verkið var kynnt á heldur óvenjulegum blaðamannafundi.