Herinn vill aukafjárveitingu

Bandaríska varnarmálaráðuneytið þarf aukafjárveitingar í september að andvirði um 873 milljarða króna til að standa straum af kostnaði vegna veru hersins í Írak og Afganistan.Það er þrisvar sinnum meira en yfirmenn hersins gerðu ráð fyrir í apríl síðastliðnum. Í fyrra fékk herinn í Írak og Afganistan úthlutað rúmlega sex þúsund milljörðum og var fullyrt að ekki yrði þörf á meira fé fyrr en á næsta fjárlagaári. Gert var ráð fyrir að stríðið í Írak og Afganistan myndi kosta 1.775 milljarðar króna á næsta ári, en nú liggur fyrir að það þarf meira.