Barn í hoppukastala sem tókst á loft

Grímur Thor Bollason, aðstoðaryfirlögregluþjónn á Austurlandi, staðfestir þetta í samtali við fréttastofu.

Hann segir að kastalinn hafi ekki verið nægjanlega vel festur niður. Það sé á ábyrgð þeirra sem haldi bæjarhátíðir, líkt og Neistaflug sem fór fram á Neskaupsstað um helgina, að festa uppblásin leiktæki.

Sjónvarvottur segir í samtali við fréttastofu að atvikið hafi átt sér stað þegar sýning hafi verið á sviði skammt frá, og börnunum verið smalað úr hoppukastalanum. Ekkert barn hafi átt að vera í honum, en raunin verið að eitt barn hafi orðið eftir. Nokkuð hvasst hafi verið, og kastalinn fokið.

„Það kemur kviða sem feykir kastalanum á loft. Fólk, sem var með krakkana þarna, flykkist að til að grípa kastalann,“ segir sjónarvotturinn.

„Það hafði eitt barn verið í kastalanum. Það rétt náðist að grípa í barnið áður en hann fauk yfir girðingu og niður hátt fall.“

Fimm ár frá alvarlegu slysi

Þann 1. júlí 2021 slasaðist sex ára stúlka alvarlega í hoppukastala á Akureyri. Sá kastali tók á loft í vindhviðu með fjölda barna innbyrðis. Talið er að festingum þess kastala hafi verið ábótavant.

Fimm manns voru ákærðir í upphafi árs 2021 vegna málsins. Þó hefur enn ekki fengist niðurstaða í það. Fyrirhugað er að aðalmeðferð í málinu fari fram í Héraðsdómi Norðurlands eystra í haust.