Britney farin í með­ferð

Talsmaður Spears greindi bandarískum fjölmiðlum frá ákvörðun tónlistarkonunnar á sunnudag.

Britney var handtekin 4. mars síðastliðin fyrir að keyra BMW sinn „óreglulega á miklum hraða“ á hraðbraut í Kaliforníu. Lögregla gerði Britney að stöðva bílinn, kannaði ástand hennar og var hún talin sýna merki um að vera undir áhrifum.

Britney var handtekin og í haldi lögreglu yfir nótt en var síðan látin laus. Eftir handtökuna lýstu talsmenn Spears atvikinu sem „algjörlega óafsakanlegu“ og sögðu ástvini hennar mundu hjálpa henni að koma sér aftur á réttan kjöl. Þrjár vikur eru í að Britney þurfti að mæta fyrir dómara í Kaliforníu vegna málsins.

„Britney ætlar að taka réttu skrefin og fylgja lögum og vonandi getur þetta verið fyrsta skrefið í löngu tímabærum breytingum sem þurfa að verða á lífi Britneyar. Vonandi getur hún fengið hjálpina og stuðninginn sem hún þarf á að halda á þessum erfiðu tímum,“ sagði talsmaður Spears við Breska ríkisútvarpsins eftir atvikið.

Þetta er ekki í fyrsta skiptið sem Britney fer í meðferð. Mikið var fjallað um það þegar hún gerði það síðast árið 2007 eftir að fengið hálfgert taugaáfall og rakað af sér allt hárið.

Langþráð frelsi og undarleg hegðun

Síðustu tuttugu ár hafa verið erfið Britney. Faðir söngkonunnar, Jamie Spears, var með forræði yfir dóttur sinni í þrettán ár, þangað til 2021, eftir að dómstóll í Los Angeles felldi niður forræði annarra yfir Spears og skipaði sérfræðing til að halda utan um líf hennar.

Britney á tvo syni, Sean Preston og Jayden James, með fyrrverandi eiginmanni sínum, Kevin Federline, og hefur hún reynt að efla sambandið við strákana síðustu ár.

Á sama tíma hefur Britney valdið aðdáendum sínum og ástvinum miklum áhyggjum vegna undarlegrar hegðunar á samfélagsmiðlum, skrítnum dansmyndböndum og furðulegum yfirlýsingum. 

Fyrrverandi eiginmaðurinn Federline gaf út sjálfsævisöguna You Thought You Knew í fyrra og fjallaði þar um samband sitt við Britney og lýsti söngkonunni sem tifandi tímasprengju.