Fram, fram, framakonur

Tæplega 1200 gestir komu saman á þessu sjóðheita þorrablóti 113/Fram og skemmtu sér konunglega langt fram á rauða nótt. 

„Fyrrum íþróttamenn, sjálfboðaliðar, íbúar hverfisins og auðvitað pólitíkusar létu sig ekki vanta. Salurinn var þéttsetinn og ljóst að gestir voru mættir til að skemmta sér fyrir allan peninginn.

Dagskráin var ekki af verri endanum. Gestir nutu þess að snæða glæsilegan þorramat frá Múlakaffi, sem sló í gegn líkt og undanfarin ár. 

Veislustjórn var í öruggum höndum Steinda og Audda og tónlistaratriði kvöldsins féllu í hlut Birnis, Selmu og Sölku ásamt Skítamórals.

Þorrablótsnefndin, sem hefur verið stafrækt í 6 ár, er á því að þetta sé besta og flottasta þorrablót sem Fram hefur haldið hingað til,“ segir í fréttatilkynningu.

Hér má sjá vel valdar myndir frá herlegheitunum: