Sirkushundur skemmtir ferða­mönnum á Höfn í sumar

Panda er hreinræktaður íslenskum fjárhundur úr Sjörnuljósaræktun Margrétar Báru Magnúsdóttir en Panta er þriggja ára gömul. Panda er líka kvikmyndastjarna því hún hefur unnið til verðlauna á kvikmyndahátíð í Cannes í Frakklandi fyrir leik sinn í myndinni „Loves that remains“ eða ástin, sem er eftir en myndin er eftir Hlyn Pálmason.

Ég hitti eina af þjálförum Pöndu á Hvolsvelli en þau voru í heimsókn hjá afa Ídu Mekkínar, sem var staddur í Fljótshlíð.

En hvað er það helsta sem sirkus hundurinn getur gert?

„Hún getur gert þetta séstu, leggstu og veltu þér og farið í hring og svona. Eins erum við búin að kenna henna að hoppa með hring í höndunum og fara á milli fótanna og svo getur maður skotið hana,“ segir Ída, ein af þjálfurunum.

Ída verður með Pöndu á sýningum á Höfn í sumar samhliða hestasýningum, sem fjölskyldan er með fyrir farþega skemmtiferðaskipa.

„Ætlar þú að kenna henni eitthvað meira, tala eða hlæja eða eitthvað slíkt?

„Við þurfum að kenna henni að gera afturábak heljarstökk og eitthvað þannig dæmi, það er næst á dagskrá,“ segir Ída hlægjandi.

Pálmi Guðmundsson, afi Ídu Mekkínar er mjög stoltur af barnabarni sínu og Pöndu.

„Ég hef nú átt hund áður en íslenski fjárhundurinn er náttúrulega alveg einstakur félagi og það passar mjög vel í hestunum að hafa svona félaga með sér öllum stundum,“ segir Pálmi.

Og hún er ekkert með svona leiðinda gelt og gjamm og svoleiðis eða hvað?

„Nei, hún er mjög lítið í því, bara ef maður biður hana um það þá gerir hún það en ekkert að öðru leyti. Hún er bara eins og hugur manns,“ segir Pálmi.

Facebooksíða Margrétar Báru Störnuljósa ræktanda