Hundar

Fréttamynd

„Ég fer og kíki og þá er þarna þetta stærðarinnar lamba­læri“

Enn hefur ekki fundist skýring á því hvernig stærðarinnar, og kryddað, lambalæri og svo seinna steikarsneiðar og flatkökur enduðu í móa við Hafravatn, langt frá næstu mannabyggð. Kona sem var á hlaupaæfingu í aðdraganda Reykjavíkurmaraþonsins og uppgötvaði matinn þegar hundarnir hennar tveir þefuðu hann uppi segist ekki halda að lærið hafi verið eitrað en skilur hvorki upp né niður í því hvernig það endaði á þessum slóðum.

Innlent
Fréttamynd

Leitar enn hunds sem týndist fyrir 38 árum

Eigandi hunds sem fannst dauður við Langjökul á dögunum er enn ófundinn. Fjölmargir hafa þegar sett sig í samband við sjálfboðaliðasamtökin Dýrfinnu. Meðal þess sem þeim hefur borist var ábending um hund sem týndist fyrir tæpum fjörutíu árum. Hann var ekki með eins litaða ól og sá sem fannst og er því útilokað að um sama hund sé að ræða.

Innlent
Fréttamynd

Hundur hefur fundist dauður við Lang­jökul

Hundur hefur fundist dauður vestanmegin við Langjökul en ekki er víst hvort hann lá í jöklinum sjálfum og sé að koma undan núna í hlýnandi veðri eða hvort hann hafi legið á ísnum eða við jaðar jökulsins. Ekki er hægt að meta tegund né lit á feldi vegna mikils niðurbrots en hundurinn virðist vera af meðalstærð.

Innlent
Fréttamynd

Ellefu ára drengur lést eftir að hafa vaknað með leður­blöku á and­litinu

Ellefu ára kanadískur drengur lést úr hundaæði eftir að hafa vaknað við að leðurblaka var sest á andlit hans en atvikið átti sér stað árið 2024. Foreldrar drengsins leituðu með hann til læknis um tveimur vikum seinna þegar hann fór að finna fyrir doða og bólgu í andliti. Illa gekk að greina einkenni hans og á tímabili var gert ráð fyrir að hann væri með svokallaða Bell-lömun og seinna herpes-munn- og gómsýkingu. Þegar hann var loks greindur með hundaæði átti hann rétt rúmar tvær vikur ólifaðar.

Erlent
Fréttamynd

Fleiri bitnir af hundunum

Tveir lausir Border Collie-hundar réðust á fólk við Reynisvatn í Grafarholti um helgina. Þá fóru í það minnsta tvö upp á slysadeild í kjölfar árásanna en nú hafa fleiri sögur sem hljóða svipað litið dagsins ljós. Fjöldi fólks hefur lýst áhyggjum af þessum hundum og hafa margir sagt eiganda þeirra vanhæfan. Mál þar sem hundar bitu fólk rötuðu inn á borð MAST um helgina og var á laugardaginn kallað á lögregluna vegna hundanna.

Innlent
Fréttamynd

„Heima beið hvolpur sem ég gæti al­veg vanist“

Sigmundur Davíð Gunnlaugsson, formaður Miðflokksins, átti svo góðan dag í gær að hann freistaðist til að segja Facebook-vinum frá því. Ekki nóg með að heima biði hans hvolpur heldur einnig góður kvöldmatur og Sopranos-gláp í kjölfarið.

Lífið
Fréttamynd

Tvö á slysa­deild eftir á­rás lausra hunda

Maður og kona sem fóru út að njóta veðursins í dag við Reynisvatn í Grafarholti fóru á slysadeild eftir að lausir hundar bitu þau til blóðs. Hundarnir voru tveir og af tegundinni Border Collie en eigandi þeirra var með þriðja hundinn í taum á göngu við Reynisvatn í Grafarholti. 

Innlent
Fréttamynd

„Þetta eru bestu launin, hlýjan í hjartað“

Eigandi hundsins Bellu átti erfitt með að trúa því þegar símtal barst um að tíkin hefði fundist, sex sólarhringum eftir að hún týndist í Hafnarfirði. Tvö hundruð sjálfboðaliðar á vegum Dýrfinnu leituðu sleitulaust á erfiðu leitarsvæði og segja bestu launin vera hlýjuna í hjartað.

Innlent
Fréttamynd

Myndaveisla: Hundar og kettir vel­komnir síðan árið 2017

Hundar og kettir eru leyfilegir inn á veitingahús og kaffihús í Reykjavík, þó með því skilyrði að rekstraraðilar staðanna tilkynni heilbrigðisnefnd Reykjavíkur að þeir kjósi að nýta sér heimildina sem kveður á um í reglugerð Heilbrigðiseftirlitsins.

Lífið
Fréttamynd

Galdra­karlinn í AUS

Íslendingur var lykilmaður í einstöku máli hinum megin á hnettinum þar sem það tókst að lækna hundinn Rosie af krabbameini með hjálp gervigreindar. Þetta kemur fram í ástralska spjallþættinum Today Show þar sem Páll Þórðarson mætti ásamt Paul Conyngham, tæknifrumkvöðli frá Ástralíu. Þar vörpuðu þeir ljósi á þróun bóluefnisins.

Innlent
Fréttamynd

Gaut ellefu ís­lenskum fjárhundum sem er heims­met

Það er líf og fjör á sveitabæ í Landeyjunum þessa dagana því nýlega gaut íslenska tíkin Þekla ellefu hvolpum, sjö tíkum og fjórum rökkum. Eigandinn segist aldrei hafa vitað af íslenskum fjárhundi, sem hefur átt svona marga lifandi hvolpa í goti.

Innlent
Fréttamynd

Kettir drápust á meðan eig­andinn var á ferða­lagi

Matvælastofnun fjarlægði ketti af heimili sem eigandi skildi eftir eina heima á meðan hann fór í margra vikna ferðalag erlendis. Nokkrir kattanna fundust dauðir. Stofnunin sektaði fjölda dýraeigenda fyrir vanbúnað og fjarlægði hund af heimili vegna vanrækslu.

Innlent
Fréttamynd

Sveitar­stjóra ekki heimilt að banna hunda­hald

Sveitarstjóra Grímsnes- og Grafningshrepps var ekki heimilt að taka ákvörðun um að banna íbúa að halda hund. Íbúinn hafði fengið áminningu vegna brota á samþykkt um hundahald. Kæru hans til úrskurðarnefndar umhverfis- og auðlindamála var vísað frá vegna þess að sveitarstjórn hefði átt að taka ákvörðun um að svipta manninn leyfi til hundahalds. 

Innlent
Fréttamynd

Kvaddi hundinn sem bjargaði lífi hennar uppi í rúmi

Hundurinn Úlfgrímur Lokason í eigu Margrétar Víkingsdóttur er allur. Hann fékk að kveðja á heimili Margrétar, nánar tiltekið uppi í rúmi þar sem tveir dýralæknar aðstoðuðu hana við að aflífa hundinn. Margrét segir hafa verið sárt að kveðja hundinn og segir Íslendinga aftarlega á merinni þegar kemur að því að hugsa um gæludýr.

Innlent
Fréttamynd

Mátti skjóta hund vegna viðbúins fjár­hags­legs tjóns

Kona hefur verið sýknuð af ákæru lögreglustjórans á Norðurlandi vestra fyrir að hafa skotið íslenskan fjárhund með haglabyssu við friðlýst æðarvarp sem hún var að gæta. Dómurinn leit meðal annars til hins mikla verðmætis sem fólst í æðarvarpinu á meðan virði hundsins væri mun minna.

Innlent
Fréttamynd

Var með fleiri en fimm­tíu hunda á heimilinu

Það var nokkuð óvenjuleg sjón sem blasti við dönskum lögreglumönnum þegar þeir gerðu húsleit á heimili 58 ára gamallar konu í Ribe á Jótlandi í desember. Í húsinu hélt konan fleiri en fimmtíu hunda sem er langt umfram það sem lög heimila í Danmörku. Þar að auki þóttu aðstæður dýranna ekki viðunandi og hefur síðan þurft að lóga nokkrum hundanna.

Erlent
Fréttamynd

Telur nær öruggt að fleiri hundar muni týnast

Metfjöldi hunda hefur verið tilkynntur týndur undanfarna daga vegna flugelda, 35 hundar hafa verið tilkynntir týndir frá 28. desember og níu frá því á miðnætti á gamlárskvöldi. Sjálfboðaliði Dýrfinnu segist telja nær öruggt að fleiri hundar muni týnast næstu daga á meðan flugeldum er skotið upp, eigendur þurfi að vera á varðbergi.

Innlent
Fréttamynd

Hægt að gefa hundum róandi og lyf til að gleyma um ára­mót

Hanna Arnórsdóttir, dýralæknir á Dýraspítalanum í Garðabæ, segir marga hunda hrædda við flugelda og hávaðann sem þeim fylgja og það geti haft mikil áhrif á þá í aðdraganda og á gamlárskvöldi. Hægt sé að gefa hundum töflur til að gleyma og til að róa þá.  

Innlent

Mest lesið