Hæðst að Bashar, Björk og Ís­landi í ísraelsku sjón­­varpi

Eins og fram hefur komið hafa íslenskir tónlistarmenn og fleiri sett fram þá kröfu að Eurovision verði sniðgengin ef Ísrael verði með. Stefán Eiríksson útvarpsstjóri hefur gefið það út að samband Eurovision og Söngvakeppninnar verði slitin og tekin ákvörðun um þátttöku í kjölfar niðurstöðu þar.

Þetta hefur vakið mikla athygli í Ísraels og þá ekki síður það að meðal tíu þátttakenda í Söngvakeppninni að þessu sinni er Palestínumaðurinn Bashar Murad. Í vikunni var gert hæðst að þessu í ísraelsku sjónvarpi, Stöð 12 sem er sama stöðin og sendir út frá Eurovision.

Fyrir þá sem ekki skilja er hér lausleg þýðing:

Spyrill: Við heyrum að samtök listamanna á Íslandi vilji sniðganga Eurovision nema Ísrael verði útilokað frá keppni?

Hatara-eftirlíking: „Já. Og að baki þessa standa allir íslenskir listamenn sem eru ég, Björk og 3000 ísskúlptúrar.

Spyrill: Það er þungi í þessum aðgerðum. En hverjar eru ásakanirnar gagnvart Ísrael?

Hatara-eftirlíking: Sko, Ísrael hefur ofsótt Gasani nú í mörg ár án þess að nota „öryggisorðið“. Mitt öryggisorð er til dæmis „Kobe Marom“.

Spyrill: Takk fyrir þessar upplýsingar (um öryggisorðið). Eins og ég skil þetta þá eruð þið að fara fram á að á meðan Ísrael sé með þá séuð þið að hvetja aðrar þjóðir til að sniðganga Eurovision?

Hatara-eftirlíking: „Það er engin þörf á því. Vil munum vinna, nú þegar okkar fulltrúi verður palestínumaður. Komdu Bashar.

Spyrill: Velkominn palenstínski keppandi sem mun verða fulltrúi Íslands í Euriovision, Bashar Murad.

Bashar: Gott kvöld. Sjáið hversu frábært nafn mitt er. Ég get sungið Bashar og það rímar við „shar“ (sem á hebresku rímar við Bashar). Eins gott að ég var ekki skírður fraktor.

Spyrill: Frábært. En, þú ert ekki raunverulega íslenskur borgari. Þú ert frá Austur-Jerúsalem?

Bashar: Já, í rauninni. En í hjarta mínu hef ég alltaf verið Íslendingur, þú veist, náttúran, geysir en palenstínskir geysirar eru ekki eins ánægðir.

Hatara-eftirherma: Er enginn geysir í Palestínu? Ég er hneykslaður, og Björk er það líka.

Bashar: Við höfðum geysir en þeir eru komnir djúpt í jörðu. Segjum að þeir séu ekki eins virkir núna.

Spyrll: Afsakið að ég trufla, en þú ert frá Austur-Jerúsalem. Mér skilst að þú hafir lært í Rimon (tónlistarskóli í Ísrael með áherslu á jazz og nútímatónlist)?

Bashar: Já, í Rimon. Ég var þar bara í ár. Síðan hætti ég því ég áttaði mig á því að Rimon var ekki eins og ég hafði haldið. Ég hélt að þar væru flugeldar og sprengjur. Gaman. En svo fann ég út að eina sprengingin var milli Keren Peles og Aya Korem.

Spyrill: Útskýrðu fyrir mér sambandið milli þessarar einkennilegu hljómsveitar og Palestínumanna?

Bashar: Helstu tengslin eru, bæði í Gasa og í hljómsveitinni, er að þeir setja fólk eins og mig í búr og berja með svipu…

Og þannig gengur dælan. Dívan Dana International birtist og skiptist á skætingi við afkárlega fulltrúa Íslands. „Fyrst þeir sniðganga okkur þá sniðgöngum við þá.“ Og svo lýkur þessu á heldur ókræsilegu gríni þess efnis að ef Bashar færi til Gaza muni hann gangast undir kynleiðréttingu án deifingar.

Víst er að fólkið í Ísrael er afar ósátt við mótmælin á Íslandi gegn stríðinu á Gasa og er sér að fullu meðvitað um andstöðuna hér.