Leikarinn Sigurður Þór Óskarsson, eða Siggi Þór eins og hann er kallaður, og unnusta hans Sonja Jónsdóttir vefhönnuður eiga von sínu fyrsta barni í nóvember.
Parið greindi frá gleðifregnunum í sameiginlegri færslu á Instagram
„Sonja og strákarnir,“ skrifaði parið við myndina þar sem þau eru prúðbúin í brúðkaupi vinar Sigga í bænum Celle Ligure á Ítalíu, umvafin blómum.
Siggi hefur gert garðinn frægan á fjölum leikhúsanna sem og í hinum ýmsu sjónvarpsþáttum og kvikmyndum. Þar á meðal í kvikmyndinni, Allra síðasta veiðiferðin, og í leikritinu, Emil í Kattholti, í hlutverki vinnumannsins Alfreðs.
„Ég vissi ekki að hún væri einhleyp. En eftir á er bara mjög fínt að hafa haldið það, því ég var ekkert stressaður í kringum hana,“ segir Siggi Þór um fyrstu kynnin við unnustu sína Sonju. Þau smullu saman og fóru fljótlega á sitt fyrsta stefnumót sem tók óvæntan snúning fyrir Sigga.
