Um 132 milljörðum af séreignarsparnaði verið ráðstafað í húsnæði

Hólmfríður Gísladóttir skrifar 17. mars 2023 06:24

Landsmenn hafa verið duglegir að nýta séreignarsparnaðinn. Vísir/Vilhelm

Um 81 þúsund manns hafa frá 2014 notað einhvern hluta séreignarsparnaðar síns til að greiða niður höfuðstól húsnæðislána. Samtals hafa 132 milljarðar af séreignarsparnaði verið nýttir til að greiða inn á lán eða vegna kaupa á fyrsta húsnæði.

Frá þessu greinir Morgunblaðið og vitnar í svör frá fjármálaráðuneytinu.

Tæplega 64 þúsund manns hafa nýtt sér úrræði stjórnvalda sem heimilar ráðstöfun viðbótariðgjalds til öflunar íbúðarhúsnæðis. Um 103 milljarðar hafa þannig verið greiddir inn á höfuðstól lána á tímabilinu en fimm milljarðar verið nýttir í útborgarnir.

Um 17 þúsund manns hafa nýtt séreignina til fyrstu íbúðakaupa og greitt 15 milljarða inn á höfuðstól lána og tæpa níu milljarða í útborganir.

Samkvæmt Morgunblaðinu hefur um það bil einn milljarður af séreignarsparnaði verið greiddur inn á höfuðstól fasteignalána um 20 þúsund einstaklinga í hverjum mánuði síðustu tvö ár.

Húsnæðismál Fjármál heimilisins

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.