Björgvin Páll: Versta færanýting sem ég man eftir

„Mér er drullu sama hvort ég verji 10, 20 eða 30 bolta. Það pirrar mig alltaf jafn mikið að tapa og ná ekki að sýna betri frammistöðu og við gerðum í kvöld. Mér fannst við svo sem spila sóknarleikinn en ég man ekki í fljótu bragði eftir verri færanýtingu hjá íslenska landsliðinu," sagði Björgvin Páll Gústavsson í samtali við RÚV eftir 22-17 tap íslenska liðsins. 

„Við erum búnir að grafa okkur ofan í holu og nú er það bara verkefnið fyrir leikinn á sunnudaginn að komast upp úr henni. Við getum verið pirraðir á hótelinu í kvöld í smástund en svo þurfum við bara að horfa á leikinn aftur og læra af því sem miður fór í þessum leik," sagði Björgvin Páll enn fremur. 

„Það jákvæða er að við náðum að klóra í bakkann og koma í veg fyrir stærra tap. Það stefndi í 10 marka tap á tímabili en við náðum að minnka þetta niður í fimm og það er vel gerlegt að ná að vinna þá með meira en fimm mörkum á heimavelli á sunnudaginn og koma okkur á topp riðilsins," sagði markvörðurinn um framhaldið. 

Íslenska liðið var 21-13 þegar rúmar fimm mínútur voru eftir af leiknum en þá hafði liðið skorað þrjú mörk á fyrstu 25 mínútu