Dagur Kári jók erfiðið og hreppti brons í Ung­verja­landi

Dagur Kári framkvæmdi frábæra æfingu í dag og með því að bæta við erfiðleikastigið í afstökkinu hlaut hann 0,3 stigum meira en í undanúrslitunum, eða alls 14,233 stig.

Það skilaði honum bronsverðlaunum því Dagur Kári endaði með 0,2 stigum meira en næsti maður, Ihor Dyshuk frá Úkraínu. 

Zeinolla Idrissov frá Kasakstan vann gullverðlaun með 14,766 stig og Króatinn Mateo Zugec hlaut silfur með 14,300 stig.

„Planið var að gera aðeins erfiðara afstökk, gera E afstökkið og það hafðist, þannig ég er mjög sáttur með það,“ sagði Dagur Kári á vef FSÍ.

Ágústi Ingi Davíðsson keppti einnig í úrslitum í dag, á hringjum, og framkvæmdi nánast hnökralausa æfingu sem skilaði honum 12,666 stigum.

Ágúst hafnaði í 6. sæti, eða sama sæti og í undanúrslitunum. Úkraínumenn náðu efstu tveimur sætunum og var Stasis Butrimas með 13,633 stig en Oleg Verniaiev með 13,233 stig.