Lífið

„Pældu í því að taka úr sér líffæri til að geta eignast annað barn með mér“

Stefán Árni Pálsson skrifar
Valdís Unnarsdóttir og hefur þurft að fórna miklu til að fara í tæknifrjóvgunarferli með Ríkharði. Þau stefna á að eignast sitt annað barn. 
Valdís Unnarsdóttir og hefur þurft að fórna miklu til að fara í tæknifrjóvgunarferli með Ríkharði. Þau stefna á að eignast sitt annað barn. 

Ríkharð Óskar Guðnason, Rikki G, er gestur vikunnar í Einkalífinu en í þættinum ræðir hann samband sitt við eiginkonu sínu Valdísi Unnarsdóttur en saman eiga þau eina dóttur, Svandísi Ríkharðsdóttur.

Þau hafa verið saman frá árinu 2005 þegar hún var 17 ára og hann tvítugur og ekki verið aðskilinn síðan. Þau giftu sig á aðfangadag fyrir fjórum árum, eftir þrettán ára samband.

„Við erum bæði að vinna í okkar sambandi á fullu og þess vegna er sambandið mjög gott í dag og þess vegna veit ég að við verðum saman til æviloka,“ segir Rikki.

Rikki og Valdís á góðri stundu. 

Hann segir að þau hafi lengi ætlað sér að eignast annað barn saman en það hafi ekki gengið eftir.

Hún er að gera þetta fyrir mig

„Við erum búin að vera saman í átján ár og þú sérð að við erum bara með eitt barn og ástæðan fyrir því að það er vandamál hjá mér. Til þess að eignast annað barn er það þannig að hún var með ofvirkan skjaldkirtil og til þess að hún megi fara í tæknifrjóvgun var það þannig að hún þurfti að láta taka úr sér skjaldkirtilinn og þarf að vera á lyfjum til æviloka. Við erum að fara í þetta núna þegar hún er búin að stemma af lyfin. Pældu í því að taka úr sér líffæri til að geta eignast annað barn með mér og hún er að gera þetta fyrir mig. Það er ekkert vandamál hjá henni, eða hún er að gera þetta fyrir okkur. Þegar þú sérð svona þá veistu að þú vilt ekkert vera með annarri manneskju.“

Umræðan um samband Rikka og Valdísar hefst þegar 33 mínútur eru liðnar af þættinum.






Fleiri fréttir

Sjá meira


×