Há­degis­fréttir Bylgjunnar

Þá segjum við frá fjórum líkamsárásum sem lögregla fékk tilkynningar um í nótt. Við fjöllum um kosningarnar á Ítalíu og segjum frá því að þingmaður Sjálfstæðisflokksins segir að efla þurfi innra og ytra eftirlit með lögreglu eigi að auka heimildir hennar til forvirkra rannsókna. Umræðan eigi að beinast að þjálfun og búnaði lögreglu frekar en vopnaburð, sem hann segir engan vilja. 

Mikil ánægja og tilhlökkun er á Selfossi með opnun nýs hjúkrunarheimilis á staðnum en þar verða sextíu íbúar, fjörutíu af höfuðborgarsvæðinu og tuttugu af Suðurlandi. Fyrstu íbúarnir flytja inn á heimilið 10. október. 

Stærsta listasafn Spánar viðurkennir að á safninu sé að finna meira en 60 listaverk sem einræðisstjórn Francos stal af réttmætum eigendum þeirra. Hundruð stolinna listaverka eru enn á söfnum í eigu ríkisins.