Lífið

Eltihrellir rauf nálgunarbann og braust inn á heimili Ariönu Grande

Ása Ninna Pétursdóttir skrifar
62nd Annual Grammy Awards - Arrivals
Gett

Aharon Brown sem áður hefur verið handtekinn fyrir að sitja um Ariönu Grande braust inn á heimili hennar á 29 ára afmælisdegi söngkonunnar. 

Áður verið handtekinn fyrir ofsóknir

Í september á síðasta ári mætti Brown fyrir utan heimili hennar í Los Angeles þar sem hann ógnaði öryggisvörðum með veiðihníf og hótaði að drepa söngkonuna. Hann var í kjölfarið handtekinn og settur í nálgunarbann sem virtist þó ekki duga til. 

Samkvæmt heimildum TMZ náði Brown á einhvern undraverðan hátt að brjótast inn á heimili Ariönu í Montecito en til allrar lukku var söngkonan ekki heima þegar atvikið átti sér stað. Öryggiskerfið fór þó af stað sem leiddi til handtöku Brown. 

Stuttu áður hafði Brown rofið nálgunarbannið og átti hann að gefa sig fram til lögreglu síðasta þriðjudag en lét ekki sjá sig. 

Brown sætir nú varðhaldi en lýsir sig saklausan af ákærum um innbrot, umsátur og brot á nálgunarbanni. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.