Enski boltinn

Ben­fi­ca stað­festir að Núñez sé á leið til Liver­pool

Runólfur Trausti Þórhallsson skrifar
Darwin Núñez í einum af 11 A-landsleikjum sínum fyrir Úrúgvæ.
Darwin Núñez í einum af 11 A-landsleikjum sínum fyrir Úrúgvæ. Nick Tre Smith/Getty Images

Portúgalska knattspyrnuliðið Benfica hefur nú staðfest að úrúgvæski framherjinn Darwin Núñez sé á leið til Liverpool. Mun enska félagið greiða 64 milljónir punda fyrir leikmanninn en kaupverðið gæti á endanum numið 85 milljónum punda.

Hinn 22 ára gamli Núñez var sjóðandi heitur á nýafstaðinni leiktíð og skoraði alls 34 mörk í 41 leik fyrir Benfica í öllum keppnum. Það var nóg fyrir Liverpool til að punga út 64 milljónum punda fyrir framherjann knáa.

Þá er 21 milljón til viðbótar í árangurstengdar greiðslur fari svo að Núñez slái í gegn. Verði af því er ljóst að framherjinn yrði dýrasti leikmaður í sögu Liverpool sem stendur er miðvörðurinn Virgil van Dijk dýrasti leikmaður félagsins frá upphafi.

Hann var keyptur frá Southampton á 75 milljónir punda árið 2018. Nái Núñez sömu hæðum og Hollendingurinn má með sanni segja að hann hafi verið hverrar krónu virði.

Núñez eru önnur kaup Liverpool í sumar en búið er að staðfesta að hinn 19 ára gamli Fabio Carvalho komi til Bítlaborgarinnar þann 1. júlí.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.