Enski boltinn

Man City og Liver­pool berjast um miðju­mann Leeds

Runólfur Trausti Þórhallsson skrifar
Kalvin Phillips er eftirsóttur.
Kalvin Phillips er eftirsóttur. EPA-EFE/FACUNDO ARRIZABALAGA

Það virðist sem tvö bestu lið Englands séu á höttunum á eftir enska landsliðsmanninum Kalvin Phillips sem leikur með Leeds United.

Samkvæmt mánudagsslúðri Sky Sports ætlar Jürgen Klopp að veita Pep Guardiola samkeppni í kapphlaupinu um hinn 26 ára gamla varnartengilið. Phillips var frábær er Leeds United komst upp í ensku úrvalsdeildina á nýjan leik tímabilið 2020/2021.

Hann lék í kjölfarið einkar vel með enska landsliðinu á EM og vakti athygli stærri liða. Talið var að Manchester United vildi fá hann í sínar raðir en fjandskapur Leeds og Man Utd gerði það að verkum að þau vistaskipti voru aldrei líkleg.

Phillips var mikið meiddur í vetur og kom aðeins við sögu í 20 deildarleikjum hjá Leeds sem rétt slapp við fall. Það virðist ekki sem meiðslahrjáð tímabil komi í veg fyrir áhuga tveggja af bestu liða Evrópu.

Pep vill fá Phillips til Englandsmeistara Man City þar sem Brasilíumaðurinn Fernandinho er á leið til heimalandsins frá árinu 2013. Klopp vill Phillips til að auka breiddina á miðsvæði Liverpool.

Phillips á tvö ár eftir af samningi sínum við Leeds og ljóst að hann mun ekki vera seldur ódýrt. Hvað þá þegar tvö stórlið vilja bæði fá leikmanninn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.