Veður

Úr­koma um land allt

Atli Ísleifsson skrifar
Svona var staðan á Akureyri í morgun.
Svona var staðan á Akureyri í morgun. Vísir/Tryggvi Páll

Dálítil lægð gengur austur yfir land í dag og fylgir henni austan og norðaustan kaldi eða strekkingur. Heldur hvassara verður í vindstrengjum norðvestantil á landinu.

Í hugleiðingum veðurfræðings á vef Veðurstofunnar segir að það verði úrkoma um allt land, rigning á sunnanverðu landinu en norðanlands verði allvíða slydda eða snjókoma. Reikna má með norðlægari vindi í kvöld og að stytti svo upp á Suðvesturlandi.

Hiti verður á bilinu núll til átta stig yfir daginn þar sem mildast verður sunnantil, en víða næturfrost.

„Lægir smám saman á morgun. Þá verða dálítil él á norðanverðu landinu og skúrir suðaustanlands, annars yfirleitt þurrt.“

Spákort fyrir klukkan 15.Veðurstofan

Veðurhorfur á landinu næstu daga

Á miðvikudag: Norðlæg átt 5-13 m/s, en lægir allvíða eftir hádegi. Dálítil él á norðanverðu landinu og skúrir suðaustanlands, annars yfirleitt þurrt. Hiti 2 til 8 stig að deginum, en í kringum frostmark norðantil.

Á fimmtudag: Fremur hæg breytileg átt, en gengur í norðvestan og vestan 8-13 eftir hádegi. Slydda eða snjókoma með köflum, en sums staðar rigning við ströndina. Hiti 0 til 6 stig yfir daginn.

Á föstudag: Snýst í suðvestan 5-13 með dálitlum skúrum eða éljum, en léttir til austanlands. Hiti breytist lítið.

Á laugardag: Fremur hæg suðvestanátt og skúrir, en bjart að mestu á Austurlandi. Hiti 3 til 9 stig.

Á sunnudag og mánudag: Snýst í suðaustanátt með súld eða dálítilli rigningu, en þurrt að kalla á Norður- og Austurlandi. Hlýnar í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.