Gular viðvaranir á morgun

Óttar Kolbeinsson Proppé skrifar 16. janúar 2022 19:49

Fólk á ökutækjum sem taka á sig mikinn vind ættu ekki að vera á ferð á svæðinu á morgun. veðurstofa íslands

Gular viðvaranir hafa verið gefnar út á öllu Norður- og Norðvesturlandi á morgun vegna storms og mikilla rigninga. Óveðrið byrjar fyrst í Breiðafirði og á Vestfjörðum í kvöld.

Þar taka gular viðvaranir gildi í kvöld, klukkan 22 og 23. Búist er við mikilli rigningu sem fylgir aukið afrennsli og vatnavextir í ám og lækjum. Samkvæmt Veðurstofunni eykur þetta hættu á flóðum og skriðuföllum og getur valdið tjóni og raskað samgöngum.

Í fyrramálið taka síðan gildi gular viðvaranir á Ströndum og á öllu Norðurlandi. Þar verður hvassviðri eða stormur, 18 til 25 metrar á sekúndu og er búist við mjög snörpum vindhviðum við fjöll alveg fram eftir degi.

Vindhviðurnar geta verið varhugaverðar fyrir vegfarendur með aftanívagna eða á ökutækjum sem taka á sig mikinn vind. Íbúar svæðisins eru hvattir til að ganga frá lausum munum fyrir morgundaginn.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.