Formenn flokka bíða átekta

Kolbeinn Tumi Daðason skrifar 27. september 2021 12:48

Formenn flokkanna í kosningasjónvarpi Stöðvar 2 á laugardagskvöld. Vísir/Vilhelm

Nýir þingflokkar ríkisstjórnarinnar komu saman, hver í sínu lagi, í morgun og stefna á að hefja stjórnarmyndunarviðræður í dag eða á allra næstu dögum. Gert er ráð fyrir að þeir muni bítast um stól forsætisráðherra.

Ríkisstjórnin hélt velli í kosningunum og fer úr 33 þingmönnum í 37. Þingflokkur Vinstri grænna kom saman í gær og þingflokkar Sjálfstæðisflokks og Framsóknar hittast í dag.

Fréttastofa hefur ekki náð tali af formönnum flokkanna í dag en fékk upplýsingar um að þeir myndu veita viðtöl þegar þeir hafa klárað sína þingflokksfundi. Þeir stefni á að freista þess að endurnýja samstarf sitt nú í vikunni en búist er við að forsætisráðherrastóllinn verði helsta þrætueplið.

Samkvæmt upplýsingum Vísis eru formenn allra flokka að fylgjast vel með stöðunni á meðan fulltrúar kerfisins ráða ráðum sínum.

Landskjörstjórn fundar á öðrum tímanum í dag og að þeim fundi loknum ætti að skýrast hver næstu skref verða - til dæmis þegar kemur að kröfu fjögurra flokka um endurtalningu atkvæða í Suðurkjördæmi, þar sem einkar mjótt var á munum.

Alþingiskosningar 2021 Alþingi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.