Oddvitaáskorunin: Eina fríið var fimm daga hestaferð

Samúel Karl Ólason skrifar 19. september 2021 09:01

Vísir stendur fyrir Oddvitaáskoruninni 2021 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum.

Sigurður Ingi Jóhannsson leiðir lista Framsóknarflokksins í Suðurkjördæmi í kosningunum.

Sigurður Ingi er menntaður dýralæknir og hefur verið í stjórnmálum í mörg ár. Fyrst sem sveitarstjórnarmaður og oddviti í Hrunamannahrepp en frá árinu 2009 á Alþingi fyrir Framsókn. Sigurður Ingi býr í Syðra-Langholti í Hrunamannahreppi ásamt Elsu Ingjaldsdóttur, eiginkonu sinni.

Hver er fallegasti staðurinn á Íslandi?

Kerlingafjöll.

Hvað færðu þér í bragðaref?

Nóa-Kropp, súkkulaðisósa og jarðarberjasósa.

Uppáhalds bók?

Njála.

Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla)

Dancing queen meða ABBA.

Hvar á Íslandi myndir þú helst vilja búa? (Ekki í þínu kjördæmi)

Hallormsstað.

Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi.

Hjólaði um sveitina.

Hvað tekur þú í bekk?

Það er langt síðan það hefur reynt á það.

Burstar þú tennurnar fyrir eða eftir morgunmat?

Fyrir morgunmat.

Draumastarfið? (Fyrir utan þingsetu)

Dýralækningar.

Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi?

Hugsaðu um þjóðina þína en ekki bara um sjálfan þig.

Uppáhalds tónlistarmaður?

David Bowie.

Besti fimmaurabrandarinn?

Ég man í tóba, ég sat á bar og bað um minni sóda. Ég hugsaði mér mér: ég vona að Jóna vinni peg. En hún vann kúver.

Ein sterkasta minningin úr æsku?

Kistulagning afa míns þegar ég var fjögurra ára.

Hver er fyrirmynd þín í pólitík?

Afi minn, Sigurður Ingi Sigurðsson.

Besta íslenska Eurovision-lagið?

Is it true? með Jóhönnu Guðrúnu.

Besta frí sem þú hefur farið í?

Sumarið sem ég var forsætisráðherra fór í fimm daga hestaferð um afrétti Skaftárhrepps og niður í Fljótshlíð. Það voru einu fimm dagarnir sem ég tók í frí það sumarið.