Segir gæðamálin komin í lag og búið sé að tryggja mönnun til lengri tíma Hólmfríður Gísladóttir skrifar 13. september 2021 06:20 Tölvukerfið sem notað er við úrlestur brjóstamynda styður tvíblindan úrlestur og þá hefur Landspítalinn gripið til ýmissa aðgerða til að tryggja að gæðamál séu í lagi á Brjóstamiðstöðinni sem nú er starfrækt við Eiríksgötu. Þetta segir Maríanna Garðarsdóttir, forstöðumaður rannsóknarþjónstu Landspítalans, en Vísir greindi frá því á dögunum að tveir læknar sem sinntu myndgreiningum fyrir Brjóstamiðstöðina hefðu látið af störfum í sumar vegna óánægju með gæðamál. „Við sem sagt tókum við framkvæmd og úrlestri brjóstaskimana síðustu áramót og þegar verið var að undirbúa flutninginn á sínum tíma höfuð við samband við framleiðanda kerfisins sem notað er á röntgendeildinni,“ útskýrir Maríanna. „Þá fullyrðir framleiðandinn að kerfið sé gott til að lesa úr brjóstarannsóknum en þegar á hólminn var komið kom í ljós að það uppfyllti ekki kröfur um tvöfaldan úrlestur.“ Það sem Maríanna vísar til er að gæðaviðmið gera ráð fyrir að tveir röntgenlæknar skoði hverja einustu mynd. Annar á ekki að vita að hvaða niðurstöðu hinn komst fyrr en eftir á, því ef niðurstöðurnar eru ekki samhljóma er myndin skoðuð í þriðja sinn. Þetta var sumsé ekki hægt að tryggja strax eftir flutning verkefnisins og þá komu fleiri hnökrar í ljós, sem meðal annars fólust í því að einstaklingar fluttust ekki rétt á milli hópa og að læknarnir fengu ekki upplýsingar um allar þær myndir sem biðu úrlestrar. Að sögn Magnúsar Baldvinssonar, annars læknanna sem hættu, varð þetta til þess að þeir treystu sér ekki til að vinna áfram að verkefninu en Maríanna segir þetta hins vegar komið í lag núna. Búið að vinna á kúfnum Það sem gerst hefur í millitíðinni er að Landspítalinn gerði samning við danska fyrirtækið Senologia ApS. Íslensku læknarnir hættu störfum snemma í júlí þegar sumarfrí hófust á Brjóstamiðstöðinni en rannsóknir hófust á ný í ágúst, þótt ekkert væri lesið úr myndum þann mánuðinn. Fyrstu vikunna í september mættu starfsmenn Senologia til starfa og að sögn Maríönnu er nú búið að vinna á kúfnum sem safnaðist upp í ágúst. En er þetta ákjósanlegt fyrirkomulag, að útvista úrlestrinum til Danmerkur? „Það stóð upphaflega til að samþætta alla starfsemina þannig að klínískar rannsóknir og skimunarúrlesturinn yrði unninn innanhúss,“ segir Maríanna en klínískar rannsóknir eru framkvæmdar vegna einkenna eða ábendinga um krabbamein. „Við vildum fá heildstæðan hóp til að sinna þessu því við höfum verið að leysa mönnunarvandann með erlendum læknum sem hafa verið að koma hingað stutta stund í einu. En við viljum hafa samfellu og einhvern sem þekkir til verklagsins.“ Það muni gerast nú, þegar danska fyrirtækið hefur tekið yfir og allir muni vinna eftir sama verklaginu. Skortur á röntgentæknum hafi löngum háð íslenska heilbrigðiskerfinu, og raunar heilbrigðiskerfum út um allan heim, en með samþættri þjónustu Brjóstamiðstöðvar opnist ný tækifæri fyrir sérnámslækna að kynna sér og starfa við brjóstamyndgreiningar. Verkefnið í haust að forma hina eiginlegu Brjóstamiðstöð Læknarnir sem hingað koma frá Danmörku munu dvelja hér í um tvær vikur í senn og starfa við hlið íslenskra lækna, sem þegar eru við störf hjá Brjóstamiðstöðinni. Að sögn Maríönnu verða þetta hins vegar alltaf sömu einstaklingarnir sem skiptast á að koma og því hefur hún ekki áhyggjur af því að aðkoma Senologia muni flækja teymisvinnuna í kringum þær konur sem greinast með krabbamein. „Við lítum svo á að nú sé þetta komið á gott ról og búið að tryggja mönnun til langs tíma,“ segir Maríanna. „Verkefnið nú í haust er að búa til hina eiginlegu Brjóstamiðstöð, þar sem verður að finna allar sérgreinar sem koma að; skurðlækna, krabbameinslækna, meinafræðinga, röntgenlækna, sérfræðinga í hjúkrun og svo framvegis.“ Maríanna segir um að ræða gríðarstórt verkefni en á því sé mikill áhugi og mikill hugur í fólki að koma á fót alhliða þjónustumiðstöð að erlendri fyrirmynd. Hún leggur áherslu á að unnið sé að gæðavísum hjá Embætti landlæknis og að engin bið sé eftir klínískum rannsóknum. Skimun fyrir krabbameini Landspítalinn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún birtir tölvupósta Dags Innlent Hjól undan strætó braut svalir á annarri hæð Innlent Meint framhjáhald og sambandsslit í stunguárásarmáli Innlent „Kastljós á ekki að vera Staksteinar“ Innlent Neyðast óvænt til að tæma laugina Innlent Vildi heimsækja krabbameinssjúka móður sína en vísað úr landi Innlent Skúli Tómas sinnir sjúklingum af og til Innlent Halla Hrund áfram efst Innlent Ákvörðun Seðlabankans sé óskiljanleg Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Býður þjóðarhöll Færeyja undir landsleiki Íslands Reykjavík lækkar gjaldskrár vegna þjónustu við barnafjölskyldur Fylgjast grannt með gangi mála Margt bendi til þess að gosinu sé lokið María Sigrún birtir tölvupósta Dags „Á endanum snýst þetta allt um peninga“ Sækja veikan sjómann Eldur í iðnaðarhúsnæði á Höfða Efstar með ómarktækan mun á milli sín Fjögurra bíla árekstur efst í Ártúnsbrekku Björn Leví segir Harald hafa fundið skálkaskjól í orðum Bjarna Flæði innan við einn rúmmetri á sekúndu „Ég hafna því að við séum ekki að sinna velferð dýra á þessum bæ” Ákvörðun Seðlabankans sé óskiljanleg „Ríkisfjármálin eru í ruglinu“ Atvinnubílstjórar sýni minnstu tillitssemina Orkuveitan skilar Elliðaárdalnum Stuðningsmenn Katrínar áhugasamari en aðrir Lengri lokun þar sem kerfið hefur „hangið á bláþræði“ Skúli Tómas sinnir sjúklingum af og til „Allir að bíða eftir þessum atburði sem ekki skeður“ Nýborin lömb finnist dauð og deyjandi úr vosbúð „Hef haft áhyggjur af fangelsismálum frá því ég kom í embætti“ „Kastljós á ekki að vera Staksteinar“ Kannabis en ekki kjólar í kassanum Halla Hrund áfram efst Fjöldaúrsagnir kvenna úr mannkyninu Leki kom að bát út af Barða Óbreyttir stýrivextir, fangamál og dræmt Eurovision áhorf Forsetaefni tókust á um forsetavaldið Sjá meira
Þetta segir Maríanna Garðarsdóttir, forstöðumaður rannsóknarþjónstu Landspítalans, en Vísir greindi frá því á dögunum að tveir læknar sem sinntu myndgreiningum fyrir Brjóstamiðstöðina hefðu látið af störfum í sumar vegna óánægju með gæðamál. „Við sem sagt tókum við framkvæmd og úrlestri brjóstaskimana síðustu áramót og þegar verið var að undirbúa flutninginn á sínum tíma höfuð við samband við framleiðanda kerfisins sem notað er á röntgendeildinni,“ útskýrir Maríanna. „Þá fullyrðir framleiðandinn að kerfið sé gott til að lesa úr brjóstarannsóknum en þegar á hólminn var komið kom í ljós að það uppfyllti ekki kröfur um tvöfaldan úrlestur.“ Það sem Maríanna vísar til er að gæðaviðmið gera ráð fyrir að tveir röntgenlæknar skoði hverja einustu mynd. Annar á ekki að vita að hvaða niðurstöðu hinn komst fyrr en eftir á, því ef niðurstöðurnar eru ekki samhljóma er myndin skoðuð í þriðja sinn. Þetta var sumsé ekki hægt að tryggja strax eftir flutning verkefnisins og þá komu fleiri hnökrar í ljós, sem meðal annars fólust í því að einstaklingar fluttust ekki rétt á milli hópa og að læknarnir fengu ekki upplýsingar um allar þær myndir sem biðu úrlestrar. Að sögn Magnúsar Baldvinssonar, annars læknanna sem hættu, varð þetta til þess að þeir treystu sér ekki til að vinna áfram að verkefninu en Maríanna segir þetta hins vegar komið í lag núna. Búið að vinna á kúfnum Það sem gerst hefur í millitíðinni er að Landspítalinn gerði samning við danska fyrirtækið Senologia ApS. Íslensku læknarnir hættu störfum snemma í júlí þegar sumarfrí hófust á Brjóstamiðstöðinni en rannsóknir hófust á ný í ágúst, þótt ekkert væri lesið úr myndum þann mánuðinn. Fyrstu vikunna í september mættu starfsmenn Senologia til starfa og að sögn Maríönnu er nú búið að vinna á kúfnum sem safnaðist upp í ágúst. En er þetta ákjósanlegt fyrirkomulag, að útvista úrlestrinum til Danmerkur? „Það stóð upphaflega til að samþætta alla starfsemina þannig að klínískar rannsóknir og skimunarúrlesturinn yrði unninn innanhúss,“ segir Maríanna en klínískar rannsóknir eru framkvæmdar vegna einkenna eða ábendinga um krabbamein. „Við vildum fá heildstæðan hóp til að sinna þessu því við höfum verið að leysa mönnunarvandann með erlendum læknum sem hafa verið að koma hingað stutta stund í einu. En við viljum hafa samfellu og einhvern sem þekkir til verklagsins.“ Það muni gerast nú, þegar danska fyrirtækið hefur tekið yfir og allir muni vinna eftir sama verklaginu. Skortur á röntgentæknum hafi löngum háð íslenska heilbrigðiskerfinu, og raunar heilbrigðiskerfum út um allan heim, en með samþættri þjónustu Brjóstamiðstöðvar opnist ný tækifæri fyrir sérnámslækna að kynna sér og starfa við brjóstamyndgreiningar. Verkefnið í haust að forma hina eiginlegu Brjóstamiðstöð Læknarnir sem hingað koma frá Danmörku munu dvelja hér í um tvær vikur í senn og starfa við hlið íslenskra lækna, sem þegar eru við störf hjá Brjóstamiðstöðinni. Að sögn Maríönnu verða þetta hins vegar alltaf sömu einstaklingarnir sem skiptast á að koma og því hefur hún ekki áhyggjur af því að aðkoma Senologia muni flækja teymisvinnuna í kringum þær konur sem greinast með krabbamein. „Við lítum svo á að nú sé þetta komið á gott ról og búið að tryggja mönnun til langs tíma,“ segir Maríanna. „Verkefnið nú í haust er að búa til hina eiginlegu Brjóstamiðstöð, þar sem verður að finna allar sérgreinar sem koma að; skurðlækna, krabbameinslækna, meinafræðinga, röntgenlækna, sérfræðinga í hjúkrun og svo framvegis.“ Maríanna segir um að ræða gríðarstórt verkefni en á því sé mikill áhugi og mikill hugur í fólki að koma á fót alhliða þjónustumiðstöð að erlendri fyrirmynd. Hún leggur áherslu á að unnið sé að gæðavísum hjá Embætti landlæknis og að engin bið sé eftir klínískum rannsóknum.
Skimun fyrir krabbameini Landspítalinn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún birtir tölvupósta Dags Innlent Hjól undan strætó braut svalir á annarri hæð Innlent Meint framhjáhald og sambandsslit í stunguárásarmáli Innlent „Kastljós á ekki að vera Staksteinar“ Innlent Neyðast óvænt til að tæma laugina Innlent Vildi heimsækja krabbameinssjúka móður sína en vísað úr landi Innlent Skúli Tómas sinnir sjúklingum af og til Innlent Halla Hrund áfram efst Innlent Ákvörðun Seðlabankans sé óskiljanleg Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Býður þjóðarhöll Færeyja undir landsleiki Íslands Reykjavík lækkar gjaldskrár vegna þjónustu við barnafjölskyldur Fylgjast grannt með gangi mála Margt bendi til þess að gosinu sé lokið María Sigrún birtir tölvupósta Dags „Á endanum snýst þetta allt um peninga“ Sækja veikan sjómann Eldur í iðnaðarhúsnæði á Höfða Efstar með ómarktækan mun á milli sín Fjögurra bíla árekstur efst í Ártúnsbrekku Björn Leví segir Harald hafa fundið skálkaskjól í orðum Bjarna Flæði innan við einn rúmmetri á sekúndu „Ég hafna því að við séum ekki að sinna velferð dýra á þessum bæ” Ákvörðun Seðlabankans sé óskiljanleg „Ríkisfjármálin eru í ruglinu“ Atvinnubílstjórar sýni minnstu tillitssemina Orkuveitan skilar Elliðaárdalnum Stuðningsmenn Katrínar áhugasamari en aðrir Lengri lokun þar sem kerfið hefur „hangið á bláþræði“ Skúli Tómas sinnir sjúklingum af og til „Allir að bíða eftir þessum atburði sem ekki skeður“ Nýborin lömb finnist dauð og deyjandi úr vosbúð „Hef haft áhyggjur af fangelsismálum frá því ég kom í embætti“ „Kastljós á ekki að vera Staksteinar“ Kannabis en ekki kjólar í kassanum Halla Hrund áfram efst Fjöldaúrsagnir kvenna úr mannkyninu Leki kom að bát út af Barða Óbreyttir stýrivextir, fangamál og dræmt Eurovision áhorf Forsetaefni tókust á um forsetavaldið Sjá meira