Ekki er því um tæknilega villu að ræða samkvæmt upplýsingum frá KIWI, sem hefur annast framleiðslu þáttanna frá upphafi.
Síðasti þáttur Sölva var númer 107 í röðinni, þar sem hann ræddi við lögmann sinn Sögu Ýrr Jónsdóttur um ásakanir á hendur honum um ofbeldi gegn konum. Sá þáttur var kominn með fleiri en 80.000 áhorf áður en honum var eytt.
Hlaðvarp Sölva hóf göngu sína í júní 2020 og er því ekki orðið ársgamalt. Enn eru einhverjir þættir hans inni á hlaðvarpsveitum í einhverjum tækjum en þeir hverfa þaðan innan tíðar.
KIWI gat ekki veitt upplýsingar um ástæður þess að gripið var til þessa. Sölvi Tryggvason hefur ekki tjáð sig opinberlega frá því að viðtal hans við lögmanninn birtist.
