„Þetta sýnir að þér er ógnað af minni köku“

Sóli Hólm og Viktoría Hermannsdóttir kepptu í kökubakstri í þætti helgarinnar. Eva Laufey Kjaran fékk þau til að baka í blindni rósakökur, en uppskriftin kom inn á Vísi í gær. 

„Ég hef aldrei notað svona sprautu áður,“ viðurkenndi Viktoría þegar hún byrjaði að skreyta sína köku. „Þetta er ljótasta rós sem ég hef séð,“ bætti hún svo við þegar hún var byrjuð. 

„Ég er að koma sjálfum mér svo mikið á óvart hérna,“ sagði Sóli þá fullur sjálfstrausts. Hann er nú að íhuga að gera sína eigin brúðartertu fyrir brúðkaupið þeirra. 

„Mér gengur bara ljómandi vel.“

Eins og sjá má í þessu broti úr þættinum var lokaspretturinn einstaklega spennandi, en úrslitin komu eiginlega bæði Viktoríu og Sóla á óvart.