Lilja Rafney tapar oddvitasætinu

Snorri Másson og skrifa 25. apríl 2021 18:19

Bjarni Jónsson, Lilja Rafney Magnúsdóttir, Sigríður Gísladóttir og Þóra Margrét Lúthersdóttir. Vinstri græn

Bjarni Jónsson, sveitarstjórnarmaður í Skagafirði, er nýr oddviti Vinstri grænna í Norðvesturkjördæmi. Hann felldi þar með fyrrverandi oddvita og eina þingmann VG í kjördæminu, Lilju Rafneyju Magnúsdóttur.

Lilja Rafney bíður þar með sömu örlög og aðrir þingmenn Vinstri grænna í ríkisstjórninni, sem hafa hver á fætur öðrum tapað baráttu um oddvitasætið í sínu kjördæmi. Bjarni var í öðru sæti á eftir henni á listanum fyrir síðustu alþingiskosningar.

Bjarkey Olsen Gunnarsdóttir þingflokksformaður laut í lægra haldi í Norðausturkjördæmi og Kolbeinn Óttarsson Proppé hafði ekki erindi sem erfiði þegar hann sóttist eftir fyrsta sæti í Suðurkjördæmi. Þar endaði hann í fjórða sæti.

Niðurstaða forvalsins í Norðvesturkjördæmi er eftirfarandi:

1. sæti – Bjarni Jónsson með 543 atkvæði í 1. sæti

2. sæti – Lilja Rafney Magnúsdóttir með 565 atkvæði í 1.-2. sæti

3. sæti – Sigríður Gísladóttir með 444 atkvæði í 1.-3. sæti

4. sæti – Þóra Margrét Lúthersdóttir með 622 atkvæði í 1.-4. sæti

5. sæti – Lárus Ástmar Hannesson með 679 atkvæði í 1.-5. sæti

Átta voru í framboði. Á kjörskrá voru 1.454, atkvæði greiddu 1.049 og var kosningaþátttaka 72%.

Ríkisstjórn Katrínar Jakobsdóttur Vinstri græn Norðvesturkjördæmi Alþingiskosningar 2021

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.