Verðlaunahátíðin var með öðru sniði en var lagt upp með í upphafi en það þurfti að afboða alla gesti með stuttum fyrirvara vegna breytinga á samkomutakmörkunum sem settar voru á miðvikudaginn.
Veitt voru verðlaun fyrir bestu hljóðbókina í flokkum barna- og ungmennabóka, glæpasagna, skáldsagna og óskáldaðs efnis.
Jakob Birgisson afhenti verðlaun í flokki barna- og ungmennabóka en bókin Eyðieyjan eftir Hildi Loftsdóttur í lestri Álfrúnar Helgu Örnólfsdóttur hlaut verðlaunin í ár.
Í flokki glæpasagna bar Illvirki, eftir Emelie Schepp, sigur úr býtum, í frábærum lestri Kristjáns Franklíns Magnús. Það var Kristján H. Kristjánsson sem sá um þýðingu bókarinnar.
Verðlaun fyrir bestu skáldsöguna hlaut Sextíu kíló af sólskini eftir Hallgrím Helgason í hans eigin lestri. Óstýriláta mamma mín eftir Sæunni Kjartansdóttur hlaut svo verðlaunin sem besta bókin í flokki óskáldaðs efnis en hún las bókina einnig sjálf.
Sérstök heiðursverðlaun afhenti Eliza Reid forsetafrú Íslands, Gunnari Helgasyni fyrir framlag sitt til íslenskra barnabókmennta.
Bækur sem fengu tilnefningu:
Barna- og ungmennabækur
Orri óstöðvandi – Hefnd glæponanna
Höfundur: Bjarni Fritzson
Lesari: Vignir Rafn Valþórsson
Traustur og Tryggur - Allt á hreinu í Rakkavík
Höfundar: Gunnar Helgason, Felix Bergsson
Lesarar: Gunnar Helgason, Felix Bergsson
Langelstur að eilífu
Höfundur: Bergrún Íris Sævarsdóttir
Lesari: Sigríður Láretta Jónsdóttir
Eyðieyjan
Höfundur: Hildur Loftsdóttir
Lesari: Álfrún Helga Örnólfsdóttir
Langafi minn Súpermann
Höfundur: Ólíver Þorsteinsson
Lesari: Sigríður Láretta Jónsdóttir
Glæpasögur
Hvítidauði
Höfundur: Ragnar Jónasson
Lesari: Íris Tanja Flygenring, Haraldur Ari Stefánsson
Stelpur sem ljúga
Höfundur: Eva Björg Ægisdóttir
Lesari: Þórdís Björk Þorfinnsdóttir
Fjötrar
Höfundur: Sólveig Pálsdóttir
Lesari: Sólveig Pálsdóttir
Fimmta barnið
Höfundur: Eyrún Ýr Tryggvadóttir
Lesari: María Lovísa Guðjónsdóttir
Illvirki
Höfundur: Emelie Schepp
Lesari: Kristján Franklín Magnús
Þýðandi: Kristján H. Kristjánsson
Skáldsögur
Húðflúrarinn í Auschwitz
Höfundur: Heather Morris
Lesari: Hjálmar Hjálmarsson
Þýðandi: Ólöf Pétursdóttir
Hann kallar á mig
Höfundur: Guðrún Sigríður Sæmundsen
Lesari: Selma Björnsdóttir
Kokkáll
Höfundur: Halldór Halldórsson
Lesari: Halldór Halldórsson
Einfaldlega Emma
Höfundur: Unnur Lilja Aradóttir
Lesari: Þórdís Björk Þorfinnsdóttir
Sextíu kíló af sólskini
Höfundur: Hallgrímur Helgason
Lesari: Hallgrímur Helgason
Óskáldað efni
Björgvin Páll Gústavsson án filters
Höfundar: Sölvi Tryggvason, Björgvin Páll Gústavsson
Lesari: Rúnar Freyr Gíslason
Óstýriláta mamma mín og ég
Höfundur: Sæunn Kjartansdóttir
Lesari: Sæunn Kjartansdóttir
Ljósið í Djúpinu
Höfundur: Reynir Traustason
Lesari: Berglind Björk Jónasdóttir
Útkall - Tifandi tímasprengja
Höfundur: Óttar Sveinsson
Lesari: Óttar Sveinsson
Manneskjusaga
Höfundur: Steinunn Ásmundsdóttir
Lesari: Margrét Örnólfsdóttir
