Vélsleði fór ofan í sprungu

Vélsleði fór ofan í sprungu á Mýrdalsjökli um sexleytið í gær. Lögreglan á Hvolsvelli segir að enginn hafi slasast.

Almannavarnadeild Ríkislögreglustjóra segir að í gær og í dag hafi þeir sem leggi leið sína á Mýrdalsjökul sífelt verið að færa sig utar í þá slóð sem þar hafi myndast. Þetta þýði að slóðin sé komin hættulega nærri sprungusvæði.

Þeim sem ætla að leggja á Mýrdalsjökul í dag og stefna á gostöðvarnar er bent að að kynna sér upplýsingar um GPS ferla sem t.d. má finna á vef Slysavarnafélagsins Landsbjargar.