Fyrstu myndirnar eftir framhjáhaldið

Twilight parið Kristen Stewart og Robert Pattinson voru mynduð saman í gær, mánudag. Eins og sjá má á myndunum voru þau bæði með derhúfu og sólgleraugu. Vel virtist fara á með parinu.

Kristen hefur ekki átt sjö dagana sæla eftir að myndir náðust af henni í ástaratlotum við leikstjóra kvikmyndarinnar Snow White and the Huntsman. Bæði Kristen og leikstjórinn sendu frá sér afsökunarbeiðni í kjölfarið þar sem hún sagði að henni þætti atvikið leitt og að hafa valdið fólkinu í kringum sig svona miklum skaða og þá sérstaklega manneskjunni sem að hún elskar og virðir mest - Robert Pattinson sem hefur eflaust átt enn erfiðara með að sætta sig við framhjáhaldið.