Yfirhershöfðingi vill halda í Bandaríkjamenn

Yfirhershöfðingi íraska hersins segir að það sé of snemmt að bandarískir hermenn fari frá landinu í lok ágúst á næsta ári, eins og áætlanir gera ráð fyrir.

Babakar Zebari hershöfðingi segir að íraski herinn verði ekki fær um að tryggja öryggi landsins fyrr en í fyrsta lagi árið 2020. Hann vill að bandarískir hermenn verði áfram í Írak til þess tíma.

Zebari bergmálar þarna álit Tariqs Aziz fyrrverandi utanríkisráðherra Saddams Hussein. Hann segir að Bandaríkjamenn séu að skilja Írak eftir hjá úlfunum, eins og hann orðaði það.