Frá Stamford Bridge til Úsbekistan

Brasilíumaðurinn Luiz Felipe Scolari hefur samið við lið frá Úsbekistan um að taka við knattspyrnustjórn þess næstu átján mánuðina.

Scolari var rekinn frá enska úrvalsdeildarfélaginu Chelsea í febrúar síðastliðnum og hefur verið atvinnulaus síðan.

Liðið sem hann mun stýra heitir Bunyodkor og varð bæði deildar- og bikarmeistari á síðustu leiktíð. Liðið komst einnig í undanúrslit Meistaradeildar Asíu.

Hann tekur við starfinu af landa sínum, Zico, sem fór frá liðinu í desember síðastliðnum og tók þá við CSKA Moskvu.

Zico á langan þjálfaraferil að baki sem hófst árið 1982. Hann gerði brasilíska landsliðið að heimsmeisturum árið 2002 og stýrði svo landsliði Portúgal frá 2003 til 2008. Hann hefur komið víða við á sínum ferli og til að mynda þjálfað lið í Kúvæt, Japan og nú Úsbekistan.