Rúnar Hartmannsson, Keflvíkingur sem smíðaði styttu af Rúnari Júlíussyni í fullri stærð, hefur hafið söfnun sem hefur það að markmiði að styttunni verði komið fyrir á rokkminjasafninu í Keflavík.
Samningaviðræður við Reykjanesbæ um að bærinn keypti styttuna fjöruðu út og Rúnar hefur því brugðið á það ráð að safna fyrir þeim kostnaði sem hann tók á sig við gerð styttunnar.
Þeir sem leggja söfnuninni lið fá nafn sitt í sérstaka bók sem fylgja mun styttunni á safnið. Söfnunarreikningurinn er í Sparisjóði Keflavíkur.
