Sátt við verk sín

Fráfarandi ráðherra og fyrrverandi þingmaður, Kolbrún Halldórsdóttir, segist sátt við sín verk í umhverfisráðuneytinu. Hún líti svo á að með þingmennskunni hafi hún klárað tíu ára strembið meistaranám, og nú ætli hún að taka sér sinn tíma til að ákveða doktorsverkefnið.

„Ég er sannfærð um að örlaganornirnar spinna eitthvað,“ segir hún. Kolbrún hefur verið orðuð við nýlega auglýst starf Þjóðleikhússtjóra en vill ekki segja hvort hún sæki um. Hún viti ekki hvort Tinna Gunnlaugsdóttir haldi áfram. „Það er ekki auðvelt að sækja um á móti sitjandi leikhússtjóra,“ segir hún. - kóþ