Elton John flæktur í barnaklámsrannsókn

Poppstjarnan Elton John á yfir höfði sér lögreglurannsókn eftir að ljósmynd sem hann lagði til á listasýningu hefur verið gerð upptæk af lögreglu. Yfirmaður The Baltic Centre For Contemporary Art í Gateshead ákvað að fjarlægja myndina í gær, degi áður en sýningin opnaði.

Myndin sem tekin er af ljósmyndaranum Nan Godin sýnir tvær ungar stúlkur í ögrandi stellingum. Hún er ein af 4.000 myndum í safni Elton John's. Elton er sagður hafa mikið dálæti á myndum Godins's og segir hann þær áhrifamiklar og afdráttarlausar.

Lögreglan rannsakar nú hvort listagalleríið hafi brotið lög með því að ætla að nota myndina og segir talsmaður lögreglu að eigandi myndarinnar muni einnig sæta rannsókn. Talsmaður söngvarans hefur ekki viljað tjá sig um málið.