Heimsmeistari í kappáti með gigt í kjálka

Heimsmeistari í kappáti gæti misst titilinn vegna gigtar - í kjálkanum.

Hinn 29 ára Takeru Kobayashi stefndi á sjöunda sigur sinn í pulsuátkeppni sem fer fram 4. júlí ár hvert í Brooklyn. Hann líður hins vegar svo miklar kvalir vegna gigtarinnar að hann á í vandræðum með að opna munninn.

Kobayashi, sem vegur á einhvern óskiljanlegan hátt einungis 75 kíló, afrekaði það að innbyrða tæpar 53 og þrjá fjórðu úr pulsu á tólf mínútum í keppninni á síðasta ári. Með því bætti hann eigið met um einn fjórða úr pulsu.

Það magn af pulsum inniheldur rúmlega 16 þúsund kaloríur, sem samsvarar um það bil átta daga orkuþörf meðalmanneskjunnar.

Vonir Kobayashi um að vinna hið eftirsótta Gula sinneps belti í sjöunda sinn fara dvínandi.

,,Ég get einungis opnað munninn sem nemur einum fingri. Allt umfram það er sársaukafullt" sagði meistarinn á heimsíðu sinni. Hann sagðist að verða úrkula vonar um að sér yrði batnað fyrir fjórða júlí og bætti því við að hann gengist nú undir meðferð lækna og kírópraktors.

Fyrr í mánuðinum sló bandarískur maður met Kobayashi, þegar hann skóflaði í sig 59 og hálfri pulsu á tólf mínútum.

Horfið á átvaglið hér: