Bullock í rómantík

Thomas Haden Church er í viðræðum um að leika á móti Söndru Bullock í rómantísku gamanmyndinni All About Steve. Bullock leikur snjallan krossgátufræðing sem verður yfir sig ástfanginn að myndatökumanni sjónvarpsstöðvarinnar CNN eftir aðeins eitt stefnumót. Eltir hún manninn út um allar trissur til að sannfæra hann um ást sína á honum.

Church sást síðast á hvíta tjaldinu sem Sandmaðurinn í Spider Man 3 en næsta mynd hans er Smart People. Hann var tilnefndur til Óskarsverðlauna fyrir hlutverk sitt í Sideways.