Halle Berry fær hótanir frá meintum kynþáttahatara

Óskarsverðlaunaleikkonan Halle Berry hefur ráðið til sín lífverði eftir að meintur kynþáttahatari hóf að senda henni ógeðfelld bréf þar sem hann hótar henni og ófæddu barni hennar öllu illu. Í einu bréfinu segist hann ætla að skera hana og barnið í þúsund bita.

Berry sem er 41 árs á von á sínu fyrsta barni með kanadíska módelinu Gabriel Aubry og er hún komin rúma 3 mánuði á leið. Faðir Berry er svartur en móðir hennar er hvít.

Að sögn náinnar vinkonu leikkonunnar þá er Berry ekki vön því að vera með lífverði en hún hefur ákveðið að taka enga áhættu í ljósi þungunarinnar. Lögreglan rannsakar hótanirnar.