Brasilískur barþjónn í boltaleik

Í dag er föstudagur og Fókus fylgir DV að venju. Í blaðinu er nóg af skemmtilegu og margþættu efni. Viðtal við Hafdísi Huld, úttekt á mp3 tónlistarbloggum og viðtal við systurnar í Nina Sky. Svo er viðtal við brasilíska sundknattleiksmanninn George Leite sem, ásamt félögum sínum, er að reyna að koma sundknattleik aftur inn á kortið á Íslandi. Nýverið var opnuð ný sundlaug í Laugardal. Þessi nýja laug er glæsileg á alla kanta og mun væntanlega nýtast vatnsdýrkendum mikið í framtíðinni. Það er þó er einn hópur sem hefur beðið eftir þessu frekar en annar. Nefnilega sá hópur sem stundar sundknattleik. "Mér fannst bara gaman hérna og var akkúrat að leita að einhverju svona öðruvísi landi," segir George Leite, einn af forgöngumönnum sundknattleiks á Íslandi. Hann fæddist árið 1980 og ólst upp í Salvador í Brasilíu. Þar æfði hann sundknattleik, sund og þríþraut. Hann kom til Íslands árið 1998 eftir smá flakk um Evrópu og hefur verið hér síðan. Íslendingar voru í Berlín Sundknattleikur er 100 ára gömul íþrótt og á rætur að rekja til Bretlands. Henni er stundum líkt við handbolta í sundi. Íþróttin er mjög vinsæl erlendis og hefur lengi verið keppnisíþrótt á Ólympíuleikunum. Hún er ekki óþekkt á Íslandi því Íslendingar kepptu í henni á Ólympíuleikunum í Berlín 1936. Ekki hefur borið mikið á henni síðan en þó hefur lítill hópur æft undanfarin tvö ár. Nú er allt að gerast og hópurinn hefur fengið fína aðstöðu í nýju sundlauginni í Laugardalnum þannig að reglulegar æfingar geta farið að hefjast. Nú verður einnig boðið upp á æfingar fyrir börn og unglinga. Fyrir einu og hálfu ári fór George að æfa sundknattleik aftur. "Þá höfðu hinir verið að æfa í hálft ár. Það voru æfingar tvisvar í viku og við höfum haft aðstöðu í Sundhöllinni. Þessi nýja sundlaug er alveg rosalega flott og gefur okkur tækifæri á að kynna þetta almennilega og fá fleira fólk í þetta ..." Afganginn af viðtalinu er að finna í Fókus sem fylgir DV í dag.