Innlent

Tíu prósent fleiri vegabréf

Erla Björg Gunnarsdóttir skrifar
Met í utanferðum Íslendinga frá því fyrir hrun er fallið.
Met í utanferðum Íslendinga frá því fyrir hrun er fallið. Fréttablaðið/Stefán
Í maí 2016 voru 8.430 íslensk vegabréf gefin út. Til samanburðar voru 7.635 vegabréf gefin út í maí í fyrra. Þannig fjölgar útgefnum vegabréfum um 10,4 prósent milli ára. Þetta kemur fram á heimasíðu Þjóðskrár Íslands.  

Mikið annríki hefur verið hjá sýslumanninum á höfuðborgarsvæðinu við útgáfu nýrra vegabréfa.

Um 67 þúsund Íslendingar fóru utan í júní samkvæmt tölum frá Ferðamálastofu um umferð um Keflavíkurflugvöll. Hafa brottfarir Íslendinga aldrei verið fleiri í einum mánuði frá því að talning Ferðamálastofu hófst. Fyrra met var 54.800 í júní árið 2007.



Fréttin birtist fyrst í Fréttablaðinu 13. júlí 2016

Birtist í Fréttablaðinu

Mest lesið


Fleiri fréttir

Sjá meira


×

Mest lesið