Innlent

Komu manni til hjálpar sem villtist á Bláfjallasvæðinu

Elín Margrét Böðvarsdóttir skrifar
Fyrstu hópar björgunarsveita eru á leið á vettvang.
Fyrstu hópar björgunarsveita eru á leið á vettvang. Vísir/Vilhelm

Fyrir nokkrum mínútum síðan, laust eftir klukkan fjögur í dag, voru björgunarsveitir á höfuðborgarsvæðinu kallaðar út vegna manns sem er týndur á Bláfjallasvæðinu. Þetta staðfestir Davíð Már Bjarnason, upplýsingafulltrúi Slysavarnafélagsins Landsbjargar, í samtali við Vísi.

Mjög lítið skyggni mun vera á svæðinu og hefur gengið á með hryðjum í dag. Fyrstu hópar björgunarsveita eru lagðir af stað til leitar frá Reykjavík en frekari upplýsingar liggja ekki fyrir að svo stöddu.

Uppfært klukkan 16:50

Maðurinn er kominn í leitirnar heill á húfi. Björgunarsveitarfólk sem var á svæðinu á eigin vegum fann manninn mjög fljótt eftir að útkall barst og eftir að hafa fengið vísbendingar sem maðurinn hafði gefið Neyðarlínunni um staðsetningu sína. Maðurinn var orðinn dálítið kaldur en fólkið gat komið honum í skjól og gefið honum heitt að drekka.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.