Innlent

Fundu veiðimann sem týndist við Sporðöldulón

Hallgerður Kolbrún E. Jónsdóttir skrifar
Viðbragðsaðilum tókst að staðsetja manninn með því að nota farsímagögn hans.
Viðbragðsaðilum tókst að staðsetja manninn með því að nota farsímagögn hans. Vísir/Vilhelm

Viðbragðsaðilum hefur tekist að finna veiðimann sem var týndur í grennd við Sporðöldulón á suðurlandi í kvöld. Útkall barst viðbragðsaðilum klukkan hálf níu í kvöld en maðurinn hafði týnst í myrkrinu og fann ekki bílinn sinni.

Honum hafði þó tekist að finna veginn en maðurinn vissi ekki hvar hann var. Davíð Már Bjarnson upplýsingafulltrúi Landsbjargar staðfestir þetta í samtali við fréttastofu.

Björgunarsveitarfólki og lögreglu tókst að staðsetja manninn út frá farsímagögnum hans eftir að hann hringdi í neyðarlínuna. Davíð segist ekki vita hver staðan á manninum sé en eftir hans bestu vitund sé hann ekki í slæmu ástandi.

Nú sé bíls hans leitað en hann var einn á ferð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×