Íslenski boltinn

Yfirlýsing frá Skallagrími vegna rasískra ummæla leikmanns

Ísak Hallmundarson skrifar
Skallagrímur hefur nú sent frá sér yfirlýsingu vegna málsins.
Skallagrímur hefur nú sent frá sér yfirlýsingu vegna málsins. mynd/Skallagrímur

Skallagrímur hefur sent frá sér yfirlýsingu í kjölfar atviks sem átti sér stað í leik Berserkja og Skallagríms í 4. deild karla í fótbolta í gær. Leikmaður Skallagríms var uppvís að rasískum ummælum í garð Gunnars Jökuls Johns, leikmanns Berserkja. 

Knattspyrnudeild Skallagríms segist ætla að grípa til viðeigandi ráðstafana.

Yfirlýsing Knattspyrnudeildar Skallagríms í heild sinni:

Í kjölfar leiks Skallagríms og Berserkja í 4. deild karla, sem fór fram á Skallagrímsvelli föstudaginn 10 júlí síðastliðinn höfðu dómari og aðstoðardómarar leiksins samband við forráðamenn Skallagríms. Þeir upplýstu að leikmenn Berserkja tilkynntu þeim þeim að leikmaður Skallagríms hefði í leiknum viðhaft ummæli sem fælu í sér kynþáttafordóma. Jafnframt greindu þeir frá því að þeir sjálfir hefðu ekki heyrt umrædd ummæli, en að þeir myndu tilkynna þetta til KSÍ og voru forráðamenn Skallagríms sammála því svo yrði gert.

Knattspyrnudeild Skallagríms mun ekki líða það að leikmenn viðhafi ummæli sem fela í sér kynþáttafordóma og mun félagði grípa til viðeigandi ráðstafana í samráði við KSÍ.

f.h. Knattspyrnudeildar Skallagríms

Páll S. Brynjarsson

Formaður


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.