Innlent

Snör hand­tök komu í veg fyrir stór­bruna þegar kviknaði í bíl

Sylvía Hall skrifar
Slökkvilið var kallað út þegar eldur kom upp á verkstæði í Skeifunni.
Slökkvilið var kallað út þegar eldur kom upp á verkstæði í Skeifunni. Já.is

Rétt viðbrögð starfsmanna á verkstæði komu í veg fyrir mikið tjón þegar eldur kom upp í bíl á verkstæði í Skeifunni á sjötta tímanum í dag. Í ljósi aðstæðna hefði tjónið getað orðið mun meira samkvæmt upplýsingum frá slökkviliðinu.

„Það kviknaði í bíl inni á verkstæði. Þeir voru nú komnir langt með að slökkva þar starfsmenn, svo komum við skömmu síðar og kláruðum verkið og reykræstum. Þetta fór betur en á horfðist.“

Því hefði getað orðið stóreldur ef hann hefði breiðst frekar út en slökkviliðið þakkar snöggum viðbrögðum starfsmanna að tjónið varð ekki meira. Þegar tilkynningin barst var þó ákveðið að senda allar stöðvar á vettvang.

„Við sendum allar stöðvar á fullu, enda þegar við heyrum eldur á verkstæði í iðnaðarhúsi í miðbænum þurfum við að bregðast við af „full force“ eins og við segjum.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.