Víða hætta á snjóflóðum - óvissustigi lýst yfir á Norðurlandi

Veðurstofan hefur í samráði við lögreglustjórana á Vestfjörðum og Akureyri ákveðið að lýsa yfir óvissustigi vegna hugsanlegrar snjóflóðahættu á norðanverðum Vestfjörðum og mið-Norðurlandi.

Í tilkynningu frá Almannavörnum segir að óvissustigi sé lýst yfir þegar afla þarf frekari upplýsinga um atburði sem leitt geta til þess að öryggi fólks og byggðar sé ógnað. „Athuganir, rannsóknir, vöktun og mat er aukið á þeim svæðum sem óvissa ríkir um."

Í hádeginu í dag ákvað Vegagerðin að lýsa yfir hættustigi á Súðavíkurhlíð. Veginum á milli súðavíkur og Ísafjarðar hefur verið lokað.