Ófært víða á Vestfjörðum

Hálkublettir eru á Hellisheiði og í Þrengslum sem og á flestum vegum á Suðurlandi. Á Vesturlandi er víða ýmist hálka eða hálkublettir og á Holtavörðuheiði er hálka og skafrenningur. Á Vestfjörðum er óveður og ófært, bæði á Hálfdán- og Gemlufallsheiði en verið er að moka Kleifarheiði og Klettháls. Í Ísafjarðardjúpi er þæfingur en Steingrímsfjarðarheiði er þungfær en þar er vonskuveður og beðið með mokstur. Í Húnavatnssýslum eru hálkublettir og sömuleiðis á Lágheiði, Öxnadalsheiði og í Víkurskarði en þar fyrir austan er greiðfært um Norðausturland og Austurland. Á Suðausturlandi eru hálkublettir á Öxi en annað er greiðfært.