Framsóknarmenn þinga

Flokksþing framsóknarmanna var sett á Hótel Sögu í morgun en það mun standa yfir fram á sunnudag. Eftir hádegi verður setningarræða formanns og síðan almennar umræður fram eftir degi. Í kvöld verður svo unnið í málefnahópum en á morgun fara fram kosningar til formanns og varaformanns.

Sigmundur Davíð Gunnlaugsson núverandi formaður gefur kost sér til endurkjörs sem og Birkir Jón Jónsson í embætti varaformanns. Óvíst er hvort Vigdís Hauksdóttir þingmaður flokksins muni gefa kost á sér í embætti varaformanns, en það mun koma í ljós í dag. Í gær sagði hún í samtali við fréttastofu að hún muni kynna sín áform í ræðu á þinginu.