Sumartónar í Sigurjónssafni

Sumartónleikaröð Listasafns Sigurjóns Ólafssonar í Laugarnesi hefst í kvöld með tónleikum þar sem meistari Mozart verður í fyrirrúmi. Freyr Sigurjónsson sem starfað hefur sem fyrsti flautuleikari sinfóníuhljómsveitarinnar þar í aldarfjórðung og með honum Iwona Andrzejczak lágfiðluleikari og Jerzy Andrzejczak sellóleikari, en þau er bæði leiðarar síns hljóðfæris í Sinfóníuhljómsveitinni í Bilbaó.

Með þeim leikur Hlíf Sigurjónsdóttir fiðluleikari. Á efnisskrá tónleikanna eru fjórir kvartettar eftir Mozart.

Meðal annarra listamanna sumarsins má nefna Þorbjörn Björnsson baritónsöngvara og Jan Czajkowski píanóleikara sem munu koma fram síðar í mánuðinum og Nicole Vala Cariglia sellóleikara og Árna Heimi Ingólfsson semballeikara sem halda tónleika í ágústbyrjun.

Á sumarsýningu safnsins gefur að líta skúlptúra og portretta eftir Sigurjón Ólafsson en á þjónustutíma þess er jafnan boðið upp á kaffi og heimabakað meðlæti á kaffistofunni en hún er einnig opin eftir sumartónleikana.

Nánari upplýsingar um dagskrá sumarsins má finna á heimasíðu safnsins, www.lso.is.