Skuldar skattinum

Vandræði Lindsay Lohan virðast engan endi ætla að taka því skatturinn hefur nú fryst bankainnistæður leikkonunnar vegna vanskila. Tmz.com sagði frá þessu fyrir skemmstu.

Ríkisskatturinn Bandaríkjanna rannsakaði fjármál Lohan allt til ársins 2009 og komst að því að hún skuldar 29,4 milljónir króna í skatt fyrir árin 2009 og 2010. Leikkonan mun einnig skulda töluverða fjárhæð fyrir síðasta ár. Leikarinn Charlie Sheen rétti Lohan hjálparhönd og gaf henni tæpar 12,6 milljónir króna upp í skuldina. Sú upphæð dugði þó ekki til og því voru bankainnistæður Lohan frystar þar til hún hefur greitt skuld sína til fullnustu.