Jónsmessurganga um Elliðarárdal

Gangan hefst í Árbæjarsafni klukkan 22:30. Þar verður fjallað um sögu Safnsins, sem fagnar 50 ára afmæli í sumar, og þróun byggðarinnar í kring rakin.

Þá verður gengið sem leið liggur, eftir gömlu þjóðleiðinni niður í Elliðaárdal, að virkjuninni, með viðkomu í einum elsta greniskógi landsins.

Þaðan verður haldið upp með ánum og yfir í Hólmann. Á leiðinni verður stiklað á stóru í sögu Elliðaárdals og rætt um náttúru og þjóðtrú.

Gönguna leiða Guðbrandur Benediktsson frá Minjasafni Reykjavíkur og Stefán Pálsson frá Minjasafni OR.

Aðgangseyrir er enginn og allir eru velkomnir.