50% aukning í slátrun eldisþorska

Stefnt er að því að slátra hátt í 100 tonnum af þorski hjá þorskeldi Hraðfrystihússins-Gunnvarar hf. í haust. Það er rúmlega helmingi meira en í fyrra. „Það er einfaldlega orðið svo mikið af fiski í eldinu að það þarf að auka slátrun. Vitanlega fer það samt eftir markaðsaðstæðum og fleiri þáttum hvernig slátrun verður háttað,“ segir Þórarinn Ólafsson, sjávarútvegsfræðingur og verkefnisstjóri þorskeldis hjá HG, í samtali við Bæjarins besta á Ísafirði.  Mikið er af fiski í eldiskvíum félagsins og er áætlað að enn bætist við, bæði af veiddum fiski frá dragnótabátum og þorskseiðum frá Fiskeldisstöðinni á Nauteyri.